નર્મદા / OLX પર સ્ટેચ્યુ ઓફ યુનિટીને વેચવા મુકાતા સર્જાયો વિવાદ, નોંધાઇ પોલીસ ફરિયાદ

• સ્ટેચ્યુ ઓફ યુનિટીને વેચવાની જાહેરાતને લઈને ફરિયાદ 
• ઓનલાઈન OLX પર SOUને વેચવાની મુકાઈ હતી જાહેરાત
• SOU 30 હજાર કરોડમાં વેચવાની કરાઈ હતી જાહેરાત

નોંધનીય છે કે, સ્ટેચ્યુ ઓફ યુનિટી વેચવાની ફેક જાહેરાતને લઇ કેવડિયા પોલીસ સ્ટેશનમાં ફરિયાદ નોંધાઇ છે. આ સાથે જ OLX સામે પણ ફરિયાદ નોંધાઇ છે. ઉલ્લેખનીય છે કે, OLX પર શખ્સે સ્ટેચ્યૂ ઓફ યુનિટી 30 હજાર કરોડમાં વેચવાની જાહેરાત મૂકી હતી. જે બાદ વિવાદ થયો હતો. જેને લઇ હાલ પોલીસે અજાણ્યા શખ્સ સામે ફરિયાદ નોંધી તપાસ શરૂ કરી છે.

મેડિકલ સાધનો ખરીદવા માટે ફંડની જરૂર હોવાની વાતનો કર્યો હતો ઉલ્લેખ 

વિશ્વની સૌથી ઉંચી પ્રતિમા સ્ટેચ્યુ ઓફ યુનિટીને 30 હજાર કરોડમાં તાત્કાલિક ધોરણે હોસ્પીટલ અને મેડીકલ સાધનો ખરીદવા ફંડની જરૂર હોય માટે OLX વેબસાઇટ પર વેચવા મુકયુ હોવાનની વાત ને લઈને મુદ્દો ગરમાયો છે. જો કે, આ વિવાદ બાદ તાત્કાલિક અસરથી પોસ્ટને OLX પરથી હટાવી લેવામાં આવી હતી. 

તાત્કાલિક અસરથી પોસ્ટ દૂર કરાઇ 

આ મામલે સ્ટેચ્યુ ઓફ યુનિટીનાં નાયબ મુખ્ય વહીવટદારે જણાવ્યુ હતું કે, સ્ટેચ્યુ ઓફ યુનિટીએ એકતાનાં પ્રતિક સમાન સરદાર સાહેબની વિશ્વની સૌથી ઉચી પ્રતિમાં છે. આ પ્રતિમાનું નિર્માણ સરદાર સાહેબનાં કાર્યોને આવનારી પેઢી જાણી શકે તેવા શુભ આશયથી કરવામાં આવેલ છે ત્યારે આ પ્રકારની વાહીયાત કરતુતથી ભારત દેશની જનતાની લાગણીને ઠેશ પહોચાડવાનો એક બદઇરાદાપુર્વકનો પ્રયાસ થયો છે.