ઓરિસ્સાનાં સંબલપુર જિલ્લાનાં રહેવાસી ટ્રક ડ્રાઇવરનું સંશોધિત મોટર વાહન અધિનિયમ અંતર્ગત અત્યાર સુધીનું સૌથી મોટું ચલણ કાપવામાં આવ્યું છે. ડ્રાઇવરને 86,500 રૂપિયાનો દંડ ભરવાનું કહેવામાં આવ્યું છે. એવું કહેવામાં આવે છે કે તેને પહેલા પણ અનેક એવાં નિયમોનું ઉલ્લંઘન કર્યુ છે. અશોક જાદવ નામનાં ડ્રાઇવરે ત્રીજી સપ્ટેમ્બરનાં રોજ ચલણ કાપવામાં આવ્યું હતું. પરંતુ આ ચલણની તસ્વીર શનિવારનાં રોજ સાંજથી સોશિયલ મીડિયા પર વાયરલ થઇ રહી છે.
સંબલપુર ક્ષેત્રીય પરિહવન અધિકારી લલિત મોહન બેહરાનું કહેવું એમ છે કે જાદવને એક અનધિકૃત વ્યક્તિને ડ્રાઇવિંગ કરવાની અનુમતિ આપવા (5000 રૂપિયા), વગર લાયસન્સનાં ડ્રાઇવિંગ (5000 રૂપિયા), 18 ટનની અધિકતાની સાથે ઓવરલોડિંગ (56000 રૂપિયા), ખોટી રીતે સામાન રાખવા (20000 રૂપિયા) અને સામાન્ય ગુનો (500 રૂપિયા) કરવા પર દંડ ફટકારવામાં આવ્યાં છે.
જો કે કુલ દંડ 86,500 રૂપિયાનો લાગ્યો છે. પરંતુ ડ્રાઇવરે (Driver) અધિકારીઓ સાથે પાંચ કલાકથી પણ વધારે સમય સુધી વાતચીત કર્યા બાદ 70,000 રૂપિયાની ચૂકવણી કરી છે. આ ટ્રક નાગાલેન્ડ સ્થિત કંપની બીએલએ ઇન્ફ્રાસ્ટ્રક્ચર પ્રાઇવેટ લિમિટેડની છે કે જેમાં જેસીબી મશીન પણ હતું. આ ટ્રક અંગુલ જિલ્લાથી છત્તીસગઢનાં તાલચેર ટાઉન જઇ રહ્યાં હતાં. તે દરમ્યાન સંબલપુરમાં અધિકારીઓએ આને પકડી લીધાં.
ઓરિસ્સા પણ તે રાજ્યોમાં શામેલ છે, જેઓએ એક સપ્ટેમ્બરથી સંશોધિત મોટર વાહન અધિનિયમને લાગુ કર્યો છે. આનાં લાગુ થયા બાદથી પહેલા ચાર દિવસોમાં 88 લાખ રૂપિયાથી વધારે સંગ્રહ કરવા દેશમાં સૌથી વધારે દંડ (Fine) અહીં લગાવ્યો છે. પહેલા ચાર દિવસોમાં રાજ્યનાં પરિવહન વિભાગનાં દંડનાં રૂપમાં 88 લાખ રૂપિયાની ભારે રકમ લગાવવામાં આવી છે જે દેશમાં સૌથી વધારે છે.
આ પહેલાં અગાઉ સપ્તાહમાં ભુવનેશ્વરમાં એક ઓટો રિક્ષાવાળા પર 47,500 રૂપિયાનો દંડ લગાવ્યો હતો. તેમની પાસે ના તો માન્ય ડ્રાઇવિંગ લાયસન્સ હતું, ના તો રજિસ્ટ્રેશન પ્રમાણપત્ર હતું અને ના તો ઇન્શ્યોરન્સ પ્રમાણપત્ર હતું. આ સાથે જ ડ્રાઇવરે દારૂ પણ પીધો હતો. રાજ્યનાં પરિવહન વિભાગે મોટર વાહન સંશોધન અધિનિયમ, 2019નાં કાર્યાન્વયનમાં નાગરિકોની સમસ્યાઓનો હલ કરવા માટે એક કોલ સેન્ટર સ્થાપિત કરવાનો નિર્ણય કર્યો છે.