ઓરિસ્સા / ભૂવનેશ્વર એરપોર્ટ ટર્મિનલ પર નિર્માણાધીન છત ધસી જતાં 1નું મોત, 1 ઘાયલ

• 2 ટર્મિનલને જોડનારી બિલ્ડિંગમાં બની ઘટના
• છત ધસી જવાથી 1 વ્યક્તિનું મોત, 1 ઘાયલ
• ઘટનાનું કારણ હજુ સુધી જાણી શકાયુ નથી, બચાવ કામગીરી ચાલુ

ઓડિશાના ભુવનેશ્વર એરપોર્ટના ટર્મિનલ 1 અને ટર્મિનલ 2 ને જોડતી કડી બિલ્ડિંગના બાંધકામ હેઠળની છત તૂટી જવાથી એક વ્યક્તિનું મોત નીપજ્યું છે, જ્યારે એક વ્યક્તિ ગંભીર રીતે ઈજાગ્રસ્ત થઈ છે. ઇજાગ્રસ્ત વ્યક્તિને નજીકની હોસ્પિટલમાં દાખલ કરવામાં આવ્યો છે, જ્યાં તેની હાલત સ્થિર છે.

Odisha: One person dead & one injured, after the collapse of an under-construction roof of a link building connecting Terminal-1 & Terminal-2 of the Bhubaneswar Airport. National Disaster Response Force, State Disaster Response Force,& Fire Services personnel present at the spot. pic.twitter.com/HeNCK4YIof

— ANI (@ANI) January 24, 2020

માહિતી મળતાં જ પહોંચ્યા ફાયર સર્વિસના જવાનો

અકસ્માતની માહિતી મળતાં રાષ્ટ્રીય ડિઝાસ્ટર રિસ્પોન્સ ફોર્સ (એનડીઆરએફ), સ્ટેટ ડિઝાસ્ટર રિસ્પોન્સ ફોર્સ (એસડીઆરએફ) અને સ્થળ પર હાજર ફાયર સર્વિસના જવાનો પહોંચ્યા છે.

અકસ્માતનું કારણ જાણી શકાયું નથી, પોલીસ ટીમ પણ ઘટના સ્થળે

અકસ્માતની જગ્યાને સાફ કરવાનો પ્રયાસ કરવામાં આવી રહ્યો છે. પોલીસ ટીમની સાથે સ્થાનિક વહીવટી તંત્રના લોકો પણ ઘટના સ્થળે પહોંચી ગયા છે. પોલીસ અકસ્માત અંગે પણ લોકોની પૂછપરછ કરી રહી છે. હજી સુધી અકસ્માતનું કારણ સ્પષ્ટ નથી થઈ શક્યું.