અકસ્માત / ઓડિશામાં પિકઅપ વેન પલટી જવાથી 10ના મોત, 15 ઘાયલ

• ડ્રાઈવર ગાડી પર નિયંત્રણ ખોઈ બેઠો જેના કારણે આ વેન પલટી ગઈ હતી
• એક સંબંધીના બેસણામાંથી પોતાના ગામ પાછા ફરી રહ્યા હતા ત્યારે બની ઘટના
• ઘાયલોમાં 10 લોકોની હાલત નાજુક 

પોલીસના એક અધિકારીએ જણાવ્યું કે ઘટના કોટપડ પોલીસ સ્ટેશનના મુર્તાહાંડીમાં થઈ છે. તેમણે જણાવ્યું કે આ દુર્ઘટના તે સમયે થઈ જ્યારે લગભગ 30 લોકો પડોશી છત્તીસગઢ રાજ્યમાંથી એક સંબંધીના બેસણામાં સામેલ થયા બાદ પોતાના ગામ પાછા ફરી રહ્યા હતા.

ઘાયલોમાં 10 લોકોની હાલત નાજુક 

કોરાપુટના પોલીસ અધિક્ષક વરુમ ગુંટુપલ્લીએ જણાવ્યું કે 10 લોકોના સ્થળ પર જ મોત થઈ ગયા હતા. તેમણે જણાવ્યું કે 15 ઘાયલોને કોટપડના એક હોસ્પિટલમાં ભરતી કરાવવામાં આવ્યા છે. ઘાયલોમાં 10 લોકોની હાલત નાજુક બતાવવામાં આવી રહી છે.

ડ્રાઈવર ગાડી પર નિયંત્રણ ખોઈ બેઠો જેના કારણે આ વેન પલટી ગઈ હતી

કોરપુટના ડીએમ મધુસુદન મિશ્રાએ જણાવ્યુંકે યાત્રી ઓડિશાના સિંધિગુડા ગામથી છત્તીસગઢના કુલ્ટા ગામ તરફ જઈ રહ્યા હતા. ઘાયલોની સારવાર માટે હોસ્પિટલ મોકલી દેવામાં આવ્યા છે. પોલીસના જણાવ્યાનુંસાર ઘાયલોમાં 10ની હાલત ગંભીર છે. પોલીસનું કહેવું છે કે ડ્રાઈવર ગાડી પર નિયંત્રણ ખોઈ બેઠો જેના કારણે આ વેન પલટી ગઈ હતી.