કોરોના વાઇરસના આ કપરા સમયમાં તમે એક બાજુ માણસાઇ જોઇ હશે તો બીજી તરફ એવા દ્રશ્યો પણ જોયા હશે કે ડૉક્ટર્સને પીટવામાં આવ્યા અથવા કોરોના સંક્રમિત વ્યક્તિ સમજીને ઘર ભાડે આપવાથી ઇન્કાર કર્યો હોય. ઓડિસામાં પણ એક એવો કિસ્સો બહાર આવ્યો છે જેમાં કોરોના ટેસ્ટ નેગેટિવ આવવા છતાં એક વ્યક્તિ છેલ્લા ઘણા દિવસથી તેની કારમાં રહી રહ્યો છે.
કારમાં રહી રહેલા આ વ્યક્તિનું નામ માધવ પાત્રા છે. તે ઓડિસાના સનકહેમુંડી બ્લૉકનો રહેવાસી છે. માધવ 15 માર્ચે બિઝનેસના કામથી બિહાર ગયો હતો. ત્યારે અચાનક લૉકડાઉન થયુ અને તે બિહારમાં જ ફસાઇ ગયો.
14 દિવસ રહ્યો કોરંટાઇન
કેમ રહી રહ્યો છે કારમાં
કોરોના સંકટ વચ્ચે માનવતાનો અંત
મે મહિનામાં માધવ ફરી ઓડિસા આવ્યા અને સરકારના ઓનલાઇન પોર્ટલ પર પોતાનું નામ રજીસ્ટર કરાવ્યું. બાદમા તે 14 દિવસ સુધી બહેરામપૂરામાં કોરંટાઇન રહ્યાં. કોરોનાની તપાસમાં તેમનો ટેસ્ટ નેગેટીવ આવ્યો. 14 દિવસ બાદ તેને ક્લિયરન્સ પેપર પણ આપી દેવામાં આવ્યા. જેથી તે તેમના ગામ ડોલાબા જઇ શકે.
જે દિવસે અમ્ફાન વાવાઝોડુ આવ્યુ હતું તે જ દિવસે કાર ચલાવીને માધવ તેમના ગામ પહોંચ્યા હતા. તેણે તેનું ક્લિયરન્સ સર્ટી બતાવ્યું તેમ છતાં ગામમાં તેમનો વિરોધ થયો હતો. તેના પિતા જ્યારે બીજા દિવસે બજારમાં ગયા તો ત્યાં પણ લોકોએ તેમનો વિરોધ કર્યો હતો.
જ્યારે આ મુદ્દો સરપંચ પાસે પહોંચ્યો ત્યારે સરપંચે પણ તેની કોઇ મદદ કરી નહી. લોકો તેને પાસેના કોરંટાઇન સેન્ટર મોકલવાની વાત કરવા લાગ્યા. ત્યારે તેણે પોતાની કારમાં જ કોરંટાઇન રહેવાનું પસંદ કર્યું. 21 મેથી માધવ તેની કારમાં જ રહી રહ્યો છે. તે જમે પણ પોતાની કારમાં છે અને કારમાં જ તે સૂઇ જાય છે.