2023 ના અંતમાં રમાનારી વન-ડે વર્લ્ડ કપ માટે હાલ ટીમ ઈન્ડિયાની પાસે રિષભ પંતના વિકલ્પ તરીકે 2 નામ આગળ છે જેમાંથી એક છે કેએલ રાહુલ અને બીજુ છે સંજુ સેમસન.
વન-ડે વર્લ્ડ કપમાં રિષભ પંતની જગ્યા લઈ શકે છે આ ખેલાડી
કેએલ રાહુલે મિડલ ઓર્ડરમાં કરી બતાવ્યો છે કમાલ
સંજુ સેમસનનો પણ સારો રહ્યો છે રેકોર્ડ
ODI World Cup: વર્ષ 2023 ના અંતમાં રમાનારી વન-ડે વર્લ્ડ કપ માટે દરેકની નજર ટીમ ઈન્ડિયા પર છે. નોંધનીય છે કે આ વખતે વર્લ્ડકપ ભારતમાં જ યોજાવાનો છે અને હાલ ટીમ ઈન્ડિયાની પરિસ્થિતિને જોતા દરેકને આશા છે કે વર્ષ 2011ના ઈતિહાસનું પુનરાવર્તન થશે. જો કે ઇતિહાસનું પુરાવર્તન થાય એ પહેલા ટીમ ઈન્ડિયાએ થોડા ફેરફાર કરવા પડશે જેમાં મિડલ ઓર્ડરના ખેલાડીને વન-ડે વર્લ્ડ કપમાં રિષભ પંતની જગ્યાએ તક આપવી પડશે.
જણાવી દઈએ કે હાલ ટીમ ઈન્ડિયાની પાસે રિષભ પંતના વિકલ્પ તરીકે 2 નામ આગળ છે જેમાંથી એક છે કેએલ રાહુલ અને બીજુ છે સંજુ સેમસન. નોંધનીય છે કે મિડલ ઓર્ડરમાં આ બંને ખેલાડીઓનું પ્રદર્શન અત્યાર સુધી સારું રહ્યું છે. ભલે કેએલ રાહુલ ટેસ્ટ ફોર્મેટમાં સંઘર્ષ કરતો જોવા મળ્યો હોય પણ વનડેમાં તેનું અત્યાર સુધીનું પ્રદર્શન ઘણું સારું રહ્યું છે.
કેએલ રાહુલે મિડલ ઓર્ડરમાં કરી બતાવ્યો છે કમાલ
કેએલ રાહુલે તેના વન ડે કરિયરમાં અત્યાર સુધી 16 વખત મિડલ ઓર્ડરમાં નંબર 5 પોઝિશન પર બેટિંગ કરી છે આ સાથે જ તેને 50 ની સરેરાશથી 658 રન બનાવ્યા છે. જણાવી દઈએ કે નંબર 5 પોઝિશન પર કેએલ રાહુલના બેટથી અત્યાર સુધી 6 અડધી સદી અને 1 સદી પણ જોવા મળી છે. આ સાથે જ છેલ્લી ઓવરોમાં કેએલ રાહુલ ટીમ માટે ખૂબ જ ઝડપથી રન બનાવતો પણ જોવા મળ્યો છે. છેલ્લી 10 ઓવરમાં રાહુલનો 162.71નો સ્ટ્રાઈક રેટ જોવા મળ્યો છે.
સંજુ સેમસનનો પણ સારો રહ્યો છે રેકોર્ડ
સંજુ સેમસન અત્યાર સુધી મર્યાદિત ઓવરના ફોર્મેટ એટલે કે ટી-20માં મળેલી તકોનો પૂરેપૂરો લાભ ઉઠાવી શક્યો નથી પણ તે અત્યાર સુધીના તેના ODI કરિયરમાં એક સારો મિડલ ઓર્ડર બેટ્સમેન સાબિત થયો છે. જણાવી દઈએ કે સંજુએ અત્યાર સુધી રમાયેલી 11 ODIમાંથી 5 ઇનિંગ્સમાં નંબર-5 પોઝિશન પર બેટિંગ કરી છે જેમાં સંજુએ 52ની એવરેજથી 104 રન બનાવ્યા છે. અત્યાર સુધી સંજુની ODI ફોર્મેટમાં 66ની એવરેજ પણ જોવા મળી છે.