વન-ડેમાં હજી નંબર-1ની પોઝીશન પર રહેલા ન્યુઝીલેન્ડના ફાસ્ટ બોલર ટ્રેન્ટ બોલ્ટ સેન્ટ્રલ કોન્ટ્રાક્ટમાંથી બહાર થયા છે. એવામાં એવી અટકળો લગાવાઈ રહી છે કે બોલ્ટે અપ્રત્યક્ષ રીતે બ્રેક લીધો છે અથવા પછી તેઓ આંતરરાષ્ટ્રીય ક્રિકેટમાંથી સંન્યાસ લેવાનુ મન બનાવી ચૂક્યા છે.
ન્યુઝીલેન્ડના ફાસ્ટ બોલર ટ્રેન્ટ બોલ્ટ સેન્ટ્રલ કોન્ટ્રાક્ટમાંથી બહાર થયા
બોલ્ટે સંન્યાસની વાતનો ઈન્કાર કર્યો, આપ્યું આ કારણ
બોલ્ટે 78 ટેસ્ટમાં 317 અને 93 વન-ડેમાં 169 વિકેટ લીધી
ટ્રેન્ટ બોલ્ટ હવે સંન્યાસ લેવાની તૈયારીમાં?
બોલ્ટે 78 ટેસ્ટમાં 317 અને 93 વન-ડેમાં 169 વિકેટ લીધી છે. ક્રિકેટના પ્રશંસકો માટે એક ચોંકાવનારા સમાચાર સામે આવી રહ્યાં છે. ન્યુઝીલેન્ડના સ્ટાર ફાસ્ટ બોલર અને વન-ડેમાં અત્યારે નંબર-1ની પોઝીશન પર રહેલા ટ્રેેન્ટ બોલ્ટ કદાચ હવે સંન્યાસ લેવાનુ મન બનાવી રહ્યાં છે. આમ એટલા માટે કહેવાઈ રહ્યું છે, કારણકે તેઓ ન્યુઝીલેન્ડ ક્રિકેટ બોર્ડની સેન્ટ્રલ કોન્ટ્રાક્ટ યાદીમાંથી બહાર થયા છે.
સેન્ટ્રલ કોન્ટ્રાક્ટમાંથી બહાર થવાનો નિર્ણય ટ્રેન્ટ બોલ્ટનો જ છે
જો કે, સેન્ટ્રલ કોન્ટ્રાક્ટમાંથી બહાર થવાનો નિર્ણય 33 વર્ષના ટ્રેન્ટ બોલ્ટનો જ રહ્યો છે. જેના પર ન્યુઝીલેન્ડ બોર્ડે સહમતિ બનાવી. પરંતુ અહીં પ્રશંસકો માટે એક સારા સમાચાર એ છે કે બોલ્ટે સંન્યાસ લેવા જેવી વાતનો ઈન્કાર કર્યો છે. તેમણે આ બધુ પરિવાર સાથે સમય વિતાવવા અને વિશ્વભરમાં ક્રિકેટ લીગ રમવા માટે કર્યુ છે.
12 વર્ષ દેશ માટે ક્રિકેટ રમ્યો તેના પર ગૌરવ છે
ટ્રેન્ટ બોલ્ટે કહ્યું, હકીકતમાં આ નિર્ણય મારા માટે ખૂબ મુશ્કેલ હતો. મારો સપોર્ટ કરવા માટે NZCનો આભાર. દેશ માટે રમવુ મારું બાળપણનુ સપનુ હતુ. 12 વર્ષ દેશ માટે રમ્યો તેનુ ગૌરવ છે. મારો આ નિર્ણય સંપૂર્ણ રીતે પત્ની ગર્ટ અને ત્રણ બાળકો માટે રહ્યો. પરિવાર મારા માટે હંમેશા એક પ્રેરણા રહી છે. હું ક્રિકેટ બાદ પરિવારને પ્રાથમિકતા આપીને સારું મહેસૂસ કરુ છુ.
ન્યુઝીલેન્ડના ક્રિકેટ બોર્ડે કરી સ્પષ્ટતા
ન્યુઝીલેન્ડના ક્રિકેટ બોર્ડે પણ ટ્રેન્ટ બોલ્ટના આ નિર્ણય બાદ પ્રશંસકોને કહ્યું છે કે આનો ખોટો અર્થ ના કાઢશો. આ નિર્ણય તેની કારકિર્દીનો અંત નથી. આ સાથે ન્યુઝીલેન્ડ બોર્ડે કહ્યું કે સિલેક્શનમાં એવા ખેલાડીઓને પ્રાથમિકતા આપવામાં આવશે, જે કોન્ટ્રાક્ટમાં છે. એવામાં એવી અટકળો લગાવી શકાય છે કે બોલ્ટે અપ્રત્યક્ષ રીતે થોડા સમયનો બ્રેક લીધો છે અથવા પછી તેઓ આંતરરાષ્ટ્રીય ક્રિકેટમાંથી સંન્યાાસ લેવાનુ મન બનાવી ચૂક્યા છે.