આસામના તિનસુકીયામાં ગત શનિવારે ઈન્ડીયન ઓઈલ કોર્પોરેશના કાર્યક્રમમાં કેન્દ્રીય મંત્રી રામેશ્વર તેલીની હાજરીમાં એક અણછાજતી ઘટના બની હતી.
આસામના તિનસુકીયામાં કેન્દ્રીય મંત્રી રામેશ્વર તૈલીનો હતો કાર્યક્રમ
LCD પર અચાનક ચાલવા લાગ્યો પોર્ન વીડિયો
પોર્ન વીડિયો ચાલતા મચી ખલબલી, તાબડતોબ બંધ કરાયો
રામેશ્વર તૈલીની હાજરીમાં યોજાયો હતો આઈઓસીનો કાર્યક્રમ
શનિવારે તિનસુકિયાની હોટલ મિરાનામાં એક કાર્યક્રમ દરમિયાન કેન્દ્રીય મંત્રી રામેશ્વર તેલી અને આસામના શ્રમ મંત્રી સંચાર કિસાનને શરમજનક સ્થિતિનો સામનો કરવો પડ્યો જ્યારે અચાનક સ્ટેજની પાછળની સ્ક્રીન પર એક અશ્લીલ વીડિયો ક્લિપ ચાલવા લાગી. અશ્લીલ ક્લીપ ચાલવા લાગતા હોબાળો મચ્યો હતો.
Today,announced pilot rollout of M15 (15% Methanol Blended MS BS VI) and distributed Indane composite cylinders as well to beneficiaries at #Tinsukia,Assam in the august presence of Hon'ble Member, @NITIAayog,Dr. V.K. Saraswat and Hon'ble @IndianOilcl Chairman,Shri SM Vaidya.1/3) pic.twitter.com/XQkKiUMjUD
લાઈવ પ્રસારણ કરવા લગાડાઈ હતી એલસીડી
તિનસુકિયામાં ઇન્ડિયન ઓઇલ દ્વારા મિથેનોલ-બ્લેન્ડેડ એમ-15 પેટ્રોલના પાયલોટ પ્રોજેક્ટના લોન્ચિંગ દરમિયાન આ ઘટના બની હતી. ખરેખર પ્રોગ્રામનું જીવંત પ્રસારણ કરવા માટે સ્ટેજની પાછળ એક સ્ક્રીન લગાવવામાં આવી હતી. જ્યારે ઇન્ડિયન ઓઇલના એક અધિકારી સ્ટેજ પર વાત કરી રહ્યા હતા, ત્યારે કથિત વીડિયો સ્ક્રીન પર ચાલવા લાગ્યો હતો. આ વીડિયો સ્ક્રીન પર આવતા જ ત્યાં હાજર લોકો ચોંકી ઉઠ્યા હતા. રિપોર્ટ્સ અનુસાર, આ વીડિયો સ્ક્રીન પર થોડી સેકન્ડ માટે દેખાયો હતો, ત્યારબાદ તેને તરત જ હટાવી દેવામાં આવ્યો હતો. કહેવાય છે કે કેટલાક લોકોએ આ ઘટનાને પોતાના સ્માર્ટ ફોનમાં રેકોર્ડ પણ કરી છે.
હેકરે ઝૂમ મીટિંગના આઈડી અને પાસવર્ડની ચોરી કરીને અશ્લીલ ક્લીપ ચલાવી-પોલીસ
આ કેસ તિનસુકિયા પોલીસ સ્ટેશનમાં નોંધવામાં આવ્યો હતો. પોલીસ અધિકારીઓના જણાવ્યા અનુસાર, આ કાર્યક્રમનું ઓનલાઇન લાઇવ સ્ટ્રીમિંગ પણ કરવામાં આવી રહ્યું હતું અને ઇન્ડિયન ઓઇલના એક અધિકારીએ ઝૂમ મીટિંગ આઇડી અને પાસવર્ડને તેના ટ્વિટર એકાઉન્ટ પર શેર કર્યો હતો.તિનસુકિયાના પોલીસ અધિક્ષક દેવજીત દેવરીએ જણાવ્યું હતું કે, "ગુનેગારે સંભવત: ટ્વિટર એકાઉન્ટ પરથી મીટિંગ આઈડી અને પાસવર્ડનો ઉપયોગ કર્યો હતો અને ઝૂમ મીટિંગમાં ભાગ લીધો હતો અને ત્યારબાદ તેણે ઝૂમ મીટિંગમાં અશ્લીલ વીડિયો સ્ટ્રીમ કર્યો હતો.
શું પ્રતિક્રિયા આપી કેન્દ્રીય મંત્રીએ
આ ઘટના અંગે પ્રતિક્રિયા આપતા કેન્દ્રીય પેટ્રોલિયમ અને કુદરતી ગેસ રાજ્યમંત્રી રામેશ્વર તેલીએ જણાવ્યું હતું કે, મેં જો ક્લીપ જોઈ નથી પરંતુ મારા અંગત સહાયકે મને તેના વિશે જાણ કરી. મેં નિર્દેશ આપ્યો છે કે આ ઘટનામાં સામેલ લોકોની તપાસ કરવામાં આવે અને યોગ્ય સજા કરવામાં આવે.