નિવેદન / નુસરત ભરૂચા ફિલ્મના પ્રમોશનમાં વ્યસ્ત, અભિનેત્રીએ કોન્ડોમ અને સેક્સ એજ્યુકેશન અંગે ખુલીને કરી વાત

• અભિનેત્રી નુસરત અપકમિંગ ફિલ્મના પ્રમોશનમાં વ્યસ્ત
• નુસરત ભરૂચાએ કોન્ડોમ અને સેક્સ એજ્યુકેશન અંગે કરી વાત
• સામાન્ય લોકો કોન્ડોમને માત્ર સેક્સના દ્રષ્ટિકોણથી જોવે છે

કોન્ડોમને પ્રોટેક્શનની દ્રષ્ટિથી જોવું જોઈએ: નુસરત ભરૂચા

'જનહિત મેં જારી' ફેમિલી ફિલ્મ છે. ફિલ્મમાં સોશિયલ અવેરનેસ સ્કૂલ લાઇફ કોમેડીની જેમ બતાવવામાં આવી છે. ફિલ્મના પ્રમોશન માટે નુસરત તાજેતરમાં જ જયપુર ગઈ હતી. આ ફિલ્મથી ડેબ્યૂ કરનાર અભિનેતા અનુદ સિંહે પણ કોન્ડોમ અને સેક્સ એજ્યુકેશન અંગે વાત કરી હતી. નુસરતે કહ્યું હતું, 'કોન્ડોમને પ્રોટેક્શનની દ્રષ્ટિથી જોવું જોઈએ. સામાન્ય લોકો માત્ર સેક્સના દ્રષ્ટિકોણથી જોવે છે. જે દિવસે ફિલ્મનું ટ્રેલર લૉન્ચ થયું ત્યારથી જ લોકો કોમેન્ટ્સ કરે છે. અનેક લોકોએ ફોન કર્યો તો સો.મીડિયામાં ટ્રોલ કરવામાં આવી. આ સમયે મને પહેલી વખત ખ્યાલ આવ્યો કે આ ટૉપિક કેટલો જરૂરી છે.'

કોન્ડોમની જરુર પુરુષો કરતાં મહિલાઓને વધારે: નુસરત

તેણે વધુમાં કહ્યું હતું કે તેનો પરિવાર સેક્સ એજ્યુકેશન અંગે ઓપન માઇન્ડેડ છે. આ જ કારણે તે પરિવાર સમક્ષ દરેક વાત શૅર કરી છે. તેને લાગે છે કે કોન્ડોમની જરુર પુરુષો કરતાં મહિલાઓને વધારે છે, કારણ કે કોન્ડોમ યુઝ ના કરવાથી પુરુષો કરતાં મહિલાઓને વધુ સહન કરવું પડે છે. આ ફિલ્મમાં વધતા અબોર્શન કેસ પર વાત કરવામાં આવી છે. ડેટા તથા ફિગર્સ બતાવવામાં આવ્યાં છે કે કેમ કોન્ડોમ આટલું જરૂરી છે.

નુસરતે ફિલ્મના શૂટિંગ સમયનો અનુભવ પણ શૅર કર્યો 

નુસરત ભરૂચાએ ફિલ્મના શૂટિંગ સમયનો અનુભવ પણ શૅર કર્યો હતો. તેણે કહ્યું હતું કે આ ફિલ્મ તેને 'ડ્રીમ ગર્લ'ના સેટ પર ઑફર થઈ હતી. પહેલી જ વાર આટલા સેન્સિટિવ ટૉપિક પર ફીમેલ લીડનો રોલ મળવવો એના માટે ગર્વની વાત છે. નાના-નાની શેરીઓમાં શૂટિંગ દરમ્યાન કોન્ડોમ શબ્દ બોલતી ત્યારે લોકો પાછળ ફરી ફરીને જોતા હતા. પહેલીવાર તેને ઘણું જ અસહજ ફીલ થયું હતું. તેને નવાઈ લાગી હતી કે કોન્ડોમ જેવી સારી બાબતને કોઈ આ રીતે કેમની જોઈ શકે.