તેલંગાણાની સરકારી હોસ્પિટલમાં મહિલા નર્સ દ્વારા દારુની મહેફિલ માણતો વીડિયો વાયરલ થયો છે. ત્યારે દર્દીઓ દ્વારા દારુની મહેફિલ માણતા તમામ લોકો સામે કાયદેસરની કાર્યવાહિ કરવાની માંગ કરી છે.
તેલંગણાની સરકારી હોસ્પિટલનો વીડિયો વાયરલ
હોસ્પિટલના કર્મચારીઓ દારુની મહેફિલ માણી
હોસ્પિટલ સ્ટાફ જન્મ દિવસની ઉજવણી કરવામાં વ્યસ્ત હતો
સરકારી હોસ્પિટલમાં મહિલા સ્ટાફ તરફથી દારૂની મહેફિલ માણવાનો કિસ્સો સામે આવ્યો છે. આ સમગ્ર મામલો હાલ તો તેલંગાણાના હનમકોંડા જિલ્લામાં ટોક ઓફ ધ ટાઉન બન્યો છે. મળતી માહિતી મુજબ સોશિયલ મીડિયા પર એક વીડિયો વાયરલ થઈ રહ્યો છે જેમાં હોસ્પિટલનો મહિલા સ્ટાફ દારૂ પીતો જોવા મળી રહ્યો છે. આ વીડિયો જિલ્લાની સરકારી મેટરનિટી હોસ્પિટલનો હોવાનું હાલ તો જાણવા મળી રહ્યું છે.
મળતી માહિતિ મુજબ વીડિયો દર્દીના એક સંબંધીએ રેકોર્ડ કર્યો છે. જેમાં ત્રણ મહિલાઓ વાતો કરતા કરતા દારૂ પીતી હોવાનું જોવા મળે છે. આ ત્રણેય મહિલાઓ હોસ્પિટલની સ્ટાફ હોવાનું જણાવ્યું હતું. બે મહિલાઓ દર્દીના પલંગ પર બેઠી છે અને ત્રીજી મહિલા ત્યાં ઊભી છે અને તે મહિલાઓ ચોથા કોઈ વ્યક્તિ જોડે વાત કરી રહી છે.
દર્દીઓએ કરી હોસ્પિટલ સ્ટાફ સામે ફરિયાદ
બીજા દર્દીઓએ હોસ્પિટલ સ્ટાફ સામે ફરિયાદ કરી છે અને તેઓનો આરોપ છે કે દર્દીઓની સાળસંભાળ લેવાને બદલે સ્ટાફ હોસ્પિટલમાં જન્મદિવસની ઉજવણી કરવામાં વ્યસ્ત હતો. આ દરમિયાન હોસ્પિટલમાં પાર્ટીનું આયોજન કરવામાં આવ્યું હતું જેમાં દારુ પીવામાં આવ્યો હતો. જેના કારણે દર્દીઓની યોગ્ય સારવાર થઈ શકી ન હતી.ત્યારે હોસ્પિટલ સ્ટાફની આ ઘોર બેદરકારીનો મામલો હાલમાં ચર્ચાનો વિષય બન્યો છે.
દર્દીઓ દ્વારા કડક કાર્યવાહીની માંગ
દારુની પાર્ટી કરતા જે લોકો જોવા મળ્યા છે. તેમાં નર્સ, આરોગ્ય કાર્યકર, સ્ટાફ નર્સ અને બે બહારના વ્યક્તિઓનો સમાવેશ થાય છે. ત્યારે દર્દીઓએ તેમની સામે કડક કાર્યવાહિ કરવાની માંગ ઉચ્ચારી છે. તેમજ દર્દીઓએ કહ્યું હતું કે વહીવટીતંત્ર ઝડપથી પગલાં લે. ત્યારે કેટલાક લોકોનું કહેવું છે કે સરકારી હોસ્પિટલની આવી હાલત છે.