વડોદરાની જાણીતી ગોત્રી હોસ્પિટલના ટોપ ફ્લોર પર ભારે પવનથી કાચ તૂટ્યા, એક નર્સ ઇજાગ્રસ્ત થઈ હતી, હોસ્પિટલમાં દાખલ કોરોના દર્દીઓ પર પણ કાચ પડ્યા હતા.
હોસ્પિટલના ટોપ ફ્લોરના કાચ ભારે પવનથી તૂટ્યા
કાચ તૂટતાં એક નર્સ થઈ ઇજાગ્રસ્ત
હોસ્પિટલ સ્ટાફે જ બનાવ્યા વીડિયો
વડોદરાની ગોત્રી હોસ્પિટલમાં કાચ તૂટવાના વીડિયો સામે આવ્યા છે. હોસ્પિટલના ટોપ ફ્લોર પર ભારે પવનથી કાચ તૂટ્યા છે. કાચ તૂટતાં એક નર્સ ઇજાગ્રસ્ત થઇ છે. હોસ્પિટલમાં દાખલ કોરોના દર્દીઓ પર પણ કાચ પડ્યા હતાં. બેડ પર કાચ પડતા નર્સિંગ સ્ટાફે દર્દીઓને ખસેડ્યા હતાં. આ વીડિયો હોસ્પિટલ સ્ટાફે જ બનાવ્યા હતાં. ભારે પવનના કારણે ગોત્રી હોસ્પટલમાં અફરાતફરીનો માહોલ સર્જાયો હતો.
વડોદરામાં તૌકતે વાવાઝોડાની અસરથી શહેરમાં ભારે પવન સાથે વરસાદ થયો શરૂ હતો. વરસાદને પગલે M.S.યુનિવર્સિટીના ગેટ પાસે પાણી ભરાયાં હતા. તૌકતે વાવાઝોડાની સ્થિતિ મામલે વડોદરાના ક્લેક્ટર શાલિની અગ્રવાલ સાથે VTVએ વાતચીત કરી હતી. જેમાં વડોદરા કલેક્ટરે જણાવ્યું કે વાવાઝોડાની સ્થિતિને જોતા દરેક તાલુકામાં અધિકારીઓને વિશેષ જવાબદારી સોંપવામાં આવી છે. આ સાથે જ કંટ્રોલ રૂમમાંથી સતત નજર રાખી રહ્યા છીએ. કોરોનાની માહામારી વચ્ચે આવેલા વાવાઝોડામાં સૌથી મોટો પડકાર હોસ્પિટલમાં અવ્યવસ્થા ન ઉભી થાય તે માટેનો છે.