37 વર્ષીય નર્સ મોનિકા અલ્મેડા 45 દિવસોથી કોમામાં હતી
હકિકતમાં 37 વર્ષીય નર્સ મોનિકા અલ્મેડા 45 દિવસોથી કોમામાં હતી અને તેઓ ભાનમાં નહોંતા આવી રહ્યા. પરંતુ જેવા તેમને વાયગ્રાનો ડોઝ આપવામાં આવ્યો તો તેઓ થોડી વારમાં ભાનમાં આવી ગયા. વાયગ્રા આપવાનો આઈડિયા મોનિકાની સહકર્મીનો હતો.
જાણો શું છે મામલા
હકિકતમાં ‘ધ સન’માં છપાયેલા સમાચાર મુજબ મોનિકા નામની નર્સ એનએચએસ લિંકનશાયરમાં કોરોનાના દર્દીઓની સતત સારવાર કરી રહી હતી. આ દરમિયાન તે ઓક્ટોબરમાં કોરોનાની ઝપેટમાં આવી હતી. તેની ધીરે ધીરે તબિયત ખરાબ થઈ અને વધારે બગડી. તેને લોહીની ઉલ્ટીઓ થવા લાગી. આ બાદ તેમને હોસ્પિટલમાં પોતાની સારવાર કરાવી. ત્યાંથી તેમને રજા આપી દેવામાં આવી. પરંતુ થોડાક દિવસ પહેલા મોનિકાને શ્વાસ લેવામાં સમસ્યા આવવા લાગી. બાદમાં તે ફરી હોસ્પિટલમાં દાખલ થઈ. પરંતુ ઓક્સિજન લેવલ સતત ઘટ્યા બાદ તે 16 નવેમ્બરમાં કોમામા જતી રહી.
આ બાદ ડોક્ટરોએ ઘણો પ્રયાસ કર્યો પરંતુ તે ભાનમાં ન આવી શકી. હારી થાકીને મોનિકાના સહયોગીઓએ તેમને વાયગ્રાના હેવી ડોઝ આપવાનો નિર્ણય કર્યો અને આ ચમત્કાર કર્યો. વાયગ્રાનો ડોઝ આપ્યાની થોડી વાર બાદ તે હોશમાં આવી હતી.
વાયગ્રા આપવાની વાત નર્સને મજાક લાગી
ઈંગ્લેન્ડના ગેન્સબરો લિંકનશાયરની રહેવાસી નર્સ મોનિકાએ જણાવ્યું કે જ્યારે હું કોમામાંથી બહાર આવી તે મને ડોક્ટરોએ જણાવ્યું કે મારો જીવ વાયગ્રાએ બચાવ્યો છે. પહેલા મને આ બહું મજાક લાગી. પરંતુ તેમણે કહ્યું કે સાચે મને વાયગ્રાનો હેવી ડોઝ આપવામાં આવ્યો હતો.