હોસ્પિટમાં બેદરકારીની ઘટનાઓમાં દિન-પ્રતિદિન વધારો થઇ રહ્યો છે, ત્યારે વધુ એક આવી'જ ઘટના સામે આવી છે. અમદાવાદના મણિનગર વિસ્તારમાં આવેલી એલ.જી.હોસ્પિટલની બેદરકારી સામે આવી છે. હોસ્પિટલમાં નર્સ દ્વારા 60 વર્ષની વૃદ્ધાને ઈન્જેક્શન આપવાની બદલે 27 વર્ષની યુવતિને આપવામાં આવ્યુ છે. શું છે સમગ્ર ઘટના જોઇએ આ વિશેષ અહેવાલમાં.
અમદાવાદના મણિનગર વિસ્તારમાં આવેલી એલ.જી.હોસ્પિટલમાં નર્સ દ્વારા 60 વર્ષની વૃદ્ધાને ઈન્જેક્શન આપવાની બદલે 27 વર્ષની યુવતિને આપવામાં આવ્યુ છેબન્ને દર્દીઓનુ નામ એક જ હોવાથી બેદરકારી થઈ હતી.
#Ahemdabad મણીનગરમાં આવેલી એલ.જી.હોસ્પિટલની બેદરકારી, 60 વર્ષની મહિલાને ઈન્જેક્શન આપવાની બદલે 27 વર્ષની યુવતિને આપ્યુ, યુવતિની તબિયત લથડતા ICUમાં દાખલ કરાઈ, જવાબદાર નર્સ અને સહાયક સામે પોલીસ સ્ટેશનમાં ફરિયાદ pic.twitter.com/lJ3DAku4ib
મળતી માહિતી મુજબ 27 વર્ષીય યુવતીને આજે હોસ્પિટલમાંથી રજા આપવાના હતા. આજે સવારે મહિલા વોર્ડમાં નર્સ દ્વારા 60 વર્ષીય વૃદ્ધાનુ ઈન્જેક્શન 27 વર્ષીય યુવતીને અપાતા તબિયત લથડી હતી.
તબિયત લથડતા યુવતિને ICUમા દાખલ કરવામાં આવી છે. યુવતીને ICUમાં ખસેડવામાં આવતા પરિવારજનોએ હોસ્પિટલમાં હોબાળો કર્યો હતો. સાથે જ પરિવારજનોએ જવાબદાર નર્સ અને સહાયક સામે પોલીસ સ્ટેશનમાં ફરિયાદ પણ કરી છે. મણિનગર પોલીસે ફરિયાદ નોંધીને વધુ તપાસ હાથ ધરી છે.