OMG / પીરામીડની મમીને ટક્કર મારે તેવો ચમત્કાર, વર્ષોની દફન લાશ એવીને એવી નીકળી, જરાય ન સડી, રહસ્યમય ઘટના

• અમેરિકી સ્ટેટ કંકાસમાં બની ચમત્કારિક ઘટના
• સાધ્વીનો મૃતદેહ કબરમાંથી એવો ને એવો નીકળ્યો
• જરા પણ ન સડ્યો, 4 વર્ષ પહેલા થયું હતું મોત 

અમેરિકી રાજ્ય કંસાસના મિસોરી શહેરના એક મઠમાં ચમત્કારિક ઘટના સામે આવી છે. હકીકતમાં મોતના ચાર વર્ષ બાદ કેથોલિક સાધ્વીની લાશ કબર ખોદીને બહાર કાઢવામાં આવી હતી પરંતુ ચોંકાવનારી વાત એ છે કે ચાર વર્ષ જેટલો લાંબો સમય વીતી ગયો હોવા છતાં પણ સાધ્વીની લાશ જાણે આજે જ દફનાવી હોય એવી ને એવી આખી નીકળી હતી. સાધ્વીનો મૃતદેહ જોવા માટે લોકોના ટોળેટોળા આવી રહ્યાં છે અને તેઓ આ ઘટનાને ચમત્કાર ગણાવી રહ્યાં છે. 

ચાર વર્ષ બાદ લાશ બહાર કાઢવાની કેમ જરુર પડી 
સાધ્વી સિસ્ટર વિલ્હેલ્મિના લેન્કેસ્ટરનું 29 મે, 2019 ના રોજ 95 વર્ષની વયે અવસાન થયું હતું, અને તેમને લાકડાની શબપેટીમાં દફનાવવામાં આવ્યા હતા. જોકે આ દફનિવિધ હંગામી ધોરણે કરાઈ હતી, હવે ચાર વર્ષ પછી તેમના મૃતદેહને કાયમી કબ્રસ્તાનમાં દફનાવવાની જરુર હોવાથી તેમની લાશને ખોદી કાઢવામાં આવી હતી. 

ચાર વર્ષ બાદ પણ ન સડ્યું શરીર 
શબપેટી ખોલ્યા પછી મઠના સાધ્વીઓ એ જાણીને સ્તબ્ધ થઈ ગઈ કે બહાર કાઢવામાં આવેલા શરીરમાં સડો થવાના કોઈ ચિહ્નો નહોતા કે લાશ જરા પણ કોહવાયી નહોતી. સાધ્વીનું શરીર સાધ્વીનું શરીર મોલ્ડના પડમાં ઢંકાયેલું હતું. ભીનાશ હોવા છતાં, ચાર વર્ષ દરમિયાન તેના શરીરનો થોડો ભાગ વિખરાઈ ગયો.

અમને કહેવાયું, ખાલી હાડકાં મળશે મળ્યું આખું શરીર-સાધ્વી
એક સાધ્વીએ એવું કહ્યું કે અમે સિસ્ટરની લાશ બહાર કાઢવાની તૈયારી કરી રહ્યા હતા ત્યારે અમને કહેવામાં આવ્યું કે તમને ફક્ત ખાલી હાડકા જ મળશે પરંતુ અમારી નવાઈ વચ્ચે લાશ જાણે હજુ હમણા દફનાવી હોય તેવી આખીને આખી સાજી-નરવી નીકળી હતી. સિસ્ટરના આંખ, કાન, કાન, હાડકાં સહિતના બીજા અંગો એવાને એવા સલામત જોવા મળ્યાં હતા. 

કેમ આવું બન્યું
મેડિકલ નિષ્ણાંતોના જણાવ્યા પ્રમાણે, સામાન્ય રીતે દફનાયાના તરત બાદ ડેડબોડી સડવાનું ચાલું થઈ જાય છે અને થોડા વખતમાં ખાલી હાડકાં જ બચે છે. જોકે ખોપડી એવીને એવી રહે છે, પરંતુ ચાર વર્ષ જેટલા લાંબા સમય બાદ ડેડબોડી આખીને આખીને એવી જ હાલતમાં મળવી ચમત્કારિક ઘટના ગણાય. તેમનું માનવું છે કે જે ઠેકાણે લાશને દફનાવાઈ હતી જે ભૂમિમાં કશુંક એવું તત્વ હોઈ શકે જેણે બોડીને સડતાં અટકાવી દીધી હતી.