બેરોજગારી / કોરોનાએ આપ્યો ટ્રમ્પને મોટો ઝટકો, અમેરિકામાં ઈતિહાસ રચાવાનો હતો તે કદાચ અટકી જશે

• અમેરિકામાં સાડા નવ વર્ષથી ચાલી રહેલી રોજગારની વૃદ્ધિ પર બ્રેક વાગે તેવી શક્યતા
• કોરોના વાયરસને પગલે અમેરિકામાં જીવન જરૂરિયાત સિવાયના ઉદ્યોગ ધંધા બંધ કરવામાં આવ્યા છે

આ ફટકાની અસરો ઓછી કરવા માટે અમેરિકી સંસદ અમેરિકાની ફેડરલ બેંક સાથે મળીને તોતિંગ ૨૦૦૦ અબજ ડોલર એટલે કે ૨ ટ્રીલીયન ડોલરના રાહત પેકેજ બહાર પાડવા જઈ રહી છે.

અર્થશાસ્ત્રીઓના મતે પહેલેથી જ મંદીમાં ચાલી રહેલી ઈકોનોમી માટે આ પડ્યા પર પાટું જેવી સ્થિતિ છે. 

કયા કયા ક્ષેત્રોમાં બેરોજગારી વધી?

અમેરિકામાં હોટલ, ફૂડ સર્વિસ, કળા, મનોરંજન, પરિવહન, વેરહાઉસિંગ, મેન્યુફેકચરિંગ વગેરે ક્ષેત્રો બેરોજગારીથી પ્રભાવિત થયા છે. દેશના ૧૮ જેટલા રાજ્યો જે દેશની અડધી વસ્તી ધરાવે છે તેમના ગવર્નરોએ તેમની પ્રજાને ઘરની અંદર જ રહેવાના આદેશ આપ્યા છે. જીવન જરૂરિયાતના ન હોય તેવા ધંધાઓને તાળા લાગી ગયા છે. 

દેશના તોતિંગ ૫માં ભાગના કર્મચારીઓ લોકડાઉનમાં છે. અમેરિકામાં છેલ્લા સાડા નવ વર્ષથી નોકરીઓમાં વૃદ્ધિ જોવા મળી રહી છે જયારે હવે માર્ચમાં રોજગાર ઘટશે તેવી આગાહી 'મૂડી'ના ચીફ ઈકોનોમિસ્ટે કરી છે. 

એક સાથે ઘણા બધા લોકો બેરોજગાર થઇ જતા તેમના બેરોજગારીના વીમા પણ ફાઈલ નથી થઇ રહ્યા તેવી ફરિયાદો ઉઠી છે.