સંઘર્ષ / શું ન્યુક્લિયર યુદ્ધના દરવાજે ઊભું છે વિશ્વ? પુતિનની ધમકી બાદ બાયડન પણ બગડ્યા

• પાંચ દિવસથી ચાલી રહ્યું છે રશિયા યુક્રેન યુદ્ધ 
• હવે પરમાણુ હથિયારોનો ઉપયોગ થવાની શંકા 
• ત્રીજા વિશ્વયુદ્ધને દરવાજે ઊભું છે વિશ્વ 

પરમાણુ હથિયારો તૈયાર રાખવા આદેશ 

યુક્રેનમાં યુદ્ધના કારણે રશિયન રાષ્ટ્રપતિ વ્લાદિમીર પુતિને યુદ્ધના પાંચમા દિવસે ન્યુક્લિયર વેપન્સ એટલે કે પરમાણુ હથિયારો તૈયાર રાખવાના આદેશ આપીને દુનિયાને ચોંકાવી દીધી હતી. 

સૌને હવે એ દર સતાવી રહ્યો છે કે રશિયા ક્યાંક પરમાણુ હુમલો ન કરી નાખે આ તમામની વચ્ચે અમેરિકન રાષ્ટ્રપતિ જો બાયડને કહ્યું હતું કે અમેરિકન લોકોએ પરમાણુ યુદ્ધથી ડરવાની જરૂર નથી. બાયડને કહ્યું હતું તે પરથી આ નિવેદન એ તરફ ઈશારો કરે છે કે અમેરિકા પણ પરમાણુ હુમલો કરતાં કે તેનો જવાબ આપતા ડરતુ નથી. 

1945 માં અમેરિકા દ્બરા પરમાણુ હુમલાથી થયેલી તબાહી આખી દુનિયાએ જોઈ છે. 77 વર્ષ બાદ યુક્રેન યુદ્ધથી આ ખતરો ફરી એક વખત ઊભો થયો છે. જેને રોકવામાં જ દુનિયાની ભલાઈ છે. એક્સપર્ટસ અનુસાર જો 30 કિલોટન પરમાણુ બોમ્બ પણ રશિયા યુઝ કરે તો 4 કિલોમીટરનો વિસ્તાર પૂરેપૂરો વિનાશ પામે તેવી શક્યતા છે. તો સામે જો 1000 કિલોટન બોમ્બ ફેંકવામાં આવે તો તેની અસર 100 કિમી સુધી થઈ શકે છે. આ હુમલો હિરોષિમાં અને નાગાસાકીથી પણ વધારે ખતરનાક અને નુકસાન કારક નીવડી શકે છે. 

હિરોશીમાં પર ફેંકવામાં આવેલ પરમાણુ બોમ્બ 15 કિલોટનનો હતો. અને નાગાસાકી પર ફેંકવામાં આવેલો બોમ્બ 20 કિલોટનનો હતો. જેણે આખા ને આખા શહરને તબાહ કરી દીધા હતા. રશિયા કોઈ એક શહેર પર હુમલો કરવાની તાકાત ધરાવતો પરમાણુ બોમ્બ વાપરી શકે છે અને તેનાથી પણ વધારે નુકસાન કરતો બોમ્બ પણ યુઝ કરી શકે છે. પરંતુ તેની પરથી ત્રીજા વિશ્વયુદ્ધનો ખતરો પાક્કો થઈ જશે. 

ખાલી વિસ્તારમાં પરમાણુ બોમ્બ ફેંકી શકે છે 
એક બીજી પણ શક્યતા વિચારીએ તો રશિયા ખાલી વિસ્તારમાં બોમ્બ ફેંકવાની હિંમત પણ કરી શકે છે જે માત્ર પુતિન દ્વારા ડરાવવાના હેતુથી ઉપયોગ કરવામાં આવી શકે છે. જેથી કરીને NATO દેશો પણ જાણી લે કે રશિયા કોઈ પણ શહેર પર હુમલો કરી શકે છે. 

આ યુદ્ધ વચ્ચે રશિયાના મિત્ર રાષ્ટ્ર બેલારુસમાં રશિયાએ પરમાણુ હથિયાર તૈનાત કર્યા હોવાના સમાચાર સામે આવી રહ્યા છે. ખરેખર NATO દેશોના પ્રતિબંધથી ભડકેલા રશિયન રાષ્ટ્રપતિ પુટીને પોતાની પરમાણુ ફોર્સને અલર્ટ કરી દીધી છે. આ દરમિયાન રશિયાના જિગરી દોસ્ત એવા બેલારુસે પણ હવે યુક્રેનને લઈને પશ્ચિમી દેશો તરફ લાલ આંખ કરી છે. અને આ સાથે ત્રીજા વિશ્વયુદ્ધની ચેતવણી આપી દીધી છે. બેલારૂસના તાનાશાહ એલેક્ઝાન્ડર લુકાશેન્કોએ રશિયા પાસે ઈચ્છા વ્યક્ત કરી હતી કે તેઓને પરમાણુ હથિયાર આપવામાં આવે. 

બેલારૂસની મદદ 

એટલું જ નહીં પણ બેલારુસ દ્વારા કથિત રૂપે રશિયાઅને પોતાના દેશમાં પરમાણુ બોમ્બ બનવવાની પરવાનગી પણ આપવામાં આવી છે. બેલારુસના તાનાશાહ એલેક્ઝાન્ડર દ્વારા પોતાની સીમાની અંડર પરમાણુ હથિયાર રાખવાની પરમીશન પણ આપવામાં આવી શકે છે. 

આ તમામ શક્યતાઓ પણ રશિયા અને અમેરિકા વચ્ચે યુદ્ધ છેડે તેવી શક્યતાઓને સમર્થન આપે છે ઉપરાંત આમાં બેલારુસ, ફ્રાંસ અને બ્રિટન સહિતના દેશો મોટો ભાગ ભજવે તેવી શક્યતા છે.