ખતરો / યુરોપના સૌથી મોટાં ન્યુક્લિયર પાવર પ્લાન્ટમાં હરકતથી ફફડાટ, ચર્નોબિલથી 10 ગણી મોટી દુર્ઘટનાની શંકા

• યુક્રેનના એનરહોદરમાં રશિયન સૈન્યનો હુમલો
• રશિયા-યુક્રેન વચ્ચે ચાલી રહેલા યુદ્ધનો આજે 9મો દિવસ
• યુરોપના સૌથી મોટા ન્યુક્લિયર પાવર પ્લાન્ટમાંથી ધુમાડો નીકળતો દેખાયો

રશિયા-યુક્રેન વચ્ચે ચાલી રહેલા યુદ્ધનો આજે 9મો દિવસ છે. ત્યારે યુક્રેનમાં હવે સ્થિતિ દિવસે ને દિવસે વધારે ખરાબ થઈ રહી છે. એવામાં યુરોપના સૌથી મોટા ન્યુક્લિયર પાવર પ્લાન્ટ (Zaporizhzhia Nuclear Power Plant) માંથી ધુમાડો નીકળતો દેખાતા યુક્રેનના વિદેશ મંત્રી દિમિત્રો કુલેબાએ આગ લાગ્યા બાદ યુરોપના સૌથી મોટા પરમાણુ પાવર પ્લાન્ટ પરના હુમલાઓ બંધ કરવા રશિયન સૈનિકોને આહ્વાન કર્યું હતું.

#WATCH | Adviser to the Head of the Office of President of Ukraine Volodymyr Zelenskyy tweets a video of "Zaporizhzhia NPP under fire..."#RussiaUkraine pic.twitter.com/R564tmQ4vs

— ANI (@ANI) March 4, 2022

તમને જણાવી દઇએ કે, શક્તિશાળી રશિયા સતત યુક્રેનને બરબાદ કરવામાં વ્યસ્ત છે. ત્યારે બંને બાજુએથી જાનમાલને ભારે નુકસાન થઇ રહ્યું છે. દરમિયાન એવાં સમાચાર સામે આવ્યાં છે કે, રશિયાએ યુક્રેનમાં Zaporizhzhia Oblast પ્રાંતના એનરહોદર શહેરમાં મોટો હુમલો કરી દીધો છે. યુક્રેની અધિકારીઓનો દાવો છે કે, આ એટેક બાદ જેપોરીજિયા (Zaporizhzhia) માં આવેલ યુરોપના સૌથી મોટા પરમાણુ પાવર સ્ટેશનમાંથી ધુમાડાના ગોટેગોટા ઉડતા જોવા મળી રહ્યાં છે.

યુક્રેનના સરકારી અધિકારીને એક ન્યુઝ એજન્સીના હવાલે જણાવ્યું કે, 'યુરોપના સૌથી મોટા ન્યુક્લિયર પાવર પ્લાન્ટ (Zaporizhzhia Nuclear Power Plant) માંથી ધુમાડો નીકળતો દેખાઇ રહ્યો છે. યુક્રેનના વિદેશ મંત્રી દિમિત્રો કુલેબાએ આગ બાદ યુરોપના સૌથી મોટા પરમાણુ પાવર પ્લાન્ટ પરના હુમલાઓ બંધ કરવા રશિયન સૈનિકોને આહ્વાન કર્યું હતુ. કુલેબાએ ટ્વીટ કરીને જણાવ્યું કે, "જો આ બ્લાસ્ટ થશે તો તે ચેર્નોબિલ કરતા 10 ગણો મોટો બ્લાસ્ટ હશે! રશિયનોએ તુરંત આગને બંધ કરી દેવી જોઈએ."

યુક્રેનમાં Zaporizhzhia ન્યુક્લિયર પાવર પ્લાન્ટના રિએક્ટર પૃથ્વી પર 9માં નંબરનું સૌથી મોટું રિએક્ટર

રશિયાએ યુક્રેનના એનરહોદર શહેરમાં હુમલો કરી દીધો છે. યુક્રેનમાં Zaporizhzhia Oblast નાં ઉત્તર-પશ્ચિમ ભાગમાં એનરહોદર એક શહેર અને નગરપાલિકા છે. વાસ્તવમાં, જેપોરીજિયા (Zaporizhzhia) થી એનરહોદર થોડાંક અંતર પર જ સ્થિત છે. Enerhodar, Nikopol અને  Chervonohryhorivka ની સામે કાખોવકા (Kakhovka) જળાશય નજીક નીપર નદીના ડાબા કાંઠે સ્થિત છે.

તમને જણાવી દઇએ કે, યુક્રેનમાં જેપોરીજિયા ન્યુક્લિયર પાવર પ્લાન્ટમાં 6 રિએક્ટર છે, જે આખા યુરોપમાં સૌથી મોટા અને પૃથ્વી પર 9માં નંબરનું સૌથી મોટું રિએક્ટર છે. મીડિયા રિપોર્ટ્સ અનુસાર, રશિયા હાલમાં મોર્ટાર અને આરપીજીથી તેના પર હુમલો કરી રહ્યું છે. ઉર્જા કેન્દ્રના કેટલાંક ભાગોમાં હાલમાં આગ લાગેલી છે. રશિયનોએ અગ્નિશામકો પર પણ ગોળીબાર શરૂ કરી દીધો છે.

વાસ્તવમાં, રશિયા અને યુક્રેન વચ્ચેની લડાઈ કોઈ વળાંક પર પહોંચતી દેખાઇ નથી રહી. આ યુદ્ધમાં ફરીથી પરમાણુ યુદ્ધનું જોખમ વધી ગયું છે. રશિયાએ યુક્રેન પર આક્રમણ કર્યું ત્યારથી યુક્રેનના ન્યુક્લિયર પાવર સ્ટેશન તેના ટાર્ગેટ પર છે. અગાઉ, 24 ફેબ્રુઆરી 2022 નાં રોજ રશિયન સૈનિકોએ ચેર્નોબિલ ન્યુક્લિયર પાવર પ્લાન્ટને કબજે કરી લીધો હતો.

નિષ્ણાંતો પુતિનની આ ધમકીને પરમાણુ યુદ્ધ સાથે જોડી રહ્યાં છે

હાલમાં અમેરિકા સહિતના પશ્ચિમી દેશો યુક્રેનને મદદ કરી રહ્યાં છે અને રશિયાના રાષ્ટ્રપતિ વ્લાદિમીર પુતિન પહેલેથી જ ચેતવણી આપી ચૂક્યાં છે કે, જો કોઈ બહારનું આની અંદર હસ્તક્ષેપ કરશે તો તેનાં પરિણામ એવાં આવશે કે જેની ક્યારેય કોઇએ કલ્પના નહીં કરી હોય. નિષ્ણાંતો પુતિનની આ ધમકીને પરમાણુ યુદ્ધ સાથે જોડી રહ્યાં છે. ઇન્ટરનેશનલ કેમ્પેઇન ટુ અર્બોલિશ ન્યુક્લિયર વેપન એટલે કે (ICAN) અનુસાર, જો અમેરિકા અને રશિયા વચ્ચે પરમાણુ યુદ્ધ ફાટી નીકળશે તો મૃત્યુઆંક 10 કરોડને પાર ચાલ્યો જશે.