તાજેતરમાં થોડાક સમય પહેલા બાર્સિલોનાના સ્પેનમાં આયોજિત વાર્ષિક ટેક શો મોબાઇલ વર્લ્ડ કોંગ્રેસમાં આ સ્માર્ટફોનને લૉન્ચ કરવામાં આવ્યો હતો.
ચીનની કંપની નૂબિયાએ પોતાના ઘરેલૂ બજારમાં દુનિયાનો પહેલો ફ્લેક્સિબલ સ્ક્રીન વાળો સ્માર્ટફોન લૉન્ચ કરી દીધો છે, જેને તમે તમારા કાંડા પર ઘડિયાળની જેમ બાંધી શકો છે. કંપનીએ એને બ્લેક અને 18 કેરેટ ગોલ્ડ પ્લેટેડમાં લૉન્ચ કર્યો છે. જણાવી દઇએ કે તાજેતરમાં થોડાક સમય પહેલા બાર્સિલોનાના સ્પેનમાં આયોજિત વાર્ષિક ટેક શો મોબાઇલ વર્લ્ડ કોંગ્રેસમાં આ સ્માર્ટફોનને લૉન્ચ કરવામાં આવ્યો હતો. જાણો એની ખાસિયત અને કિંમત
જો આપણે આ સ્માર્ટફોનના કિંમતની વાત કરીએ તો એની શરૂઆતી કિંમત 3499 યુઆન એટલે કે 36000 રૂપિયા છે, જ્યારે એના બ્લેક વેરિયન્ટ વાળા સ્માર્ટફોનની કિંમત 3499 યુઆન એટલે કે 36000 રૂપિયા છે. તો બીજી બાજુ એના 18 કેરેટ ગોલ્ડ પ્લેટેડ એડિશન પણ ઇસિમ વાળા વેરિયન્ટની કિંમત 4499 યુઆન એટલે કે 46500 રૂપિયા છે.
જો સ્પેસિફિકેશનની વાત કરવામાં આવે તો એમાં 4 ઇંચની સ્ક્રીન છે. આ ઉપરાંત એમાં ક્વલકૉમના સ્નેપડ્રેગન વિયર 2100 ચિપસેટ છે. સ્ટોરેજની વાત કરીએ તો એમાં GB RAM અને 8GB ઇન્ટરનલ સ્ટોરેજ છે. ફોનને પાવર આપવા માટે એમાં 500mAh ની બેટરી આપવામાં આવી છે. જણાવી દઇએ કે કંપનીએ લૉન્ચિંગ દરમિયાન દાવો કર્યો છે કે એક વખત તમે એની બેટરી ફુલ ચાર્જ કરશો તો આ ફોનનો ઉપયોગ તમે સરળતાથી બે દિવસ સુધી કરી શકો છો.
આ સ્માર્ટફોનમાં બ્લૂટૂથ, વાઇ ફાઇ અને 4G eSIM જેવી ફીચર્સ સામેલ છે. સીધા શબ્દોમાં કહીએ તો આ ફોનની મદદથી કોઇ પણ સ્માર્ટફોનની જેમ ટેક્સ્ટ મેસેજ, કૉલ અને ઇન્ટરનેટ બ્રાઉઝ કરી શકો છો. આ ફોનમાં 5 મેગાપિકસ્લનો એક જ કેમેરો આપવામાં આવ્યો છે. જેનો ઉપયોગ કમે વીડિયો બનાવવા અને સેલ્ફી ક્લિક કરવા માટે કરી શકો છો.