પરીક્ષા પર પ્રશ્ન / ગુજરાતમાં GPSC ભરતી બોર્ડના ચેરમેન દિનેશ દાસા વિરુદ્ધ NSUIના આક્ષેપ

• GPSC ભરતી મુદ્દે NSUIએ લગાવ્યા આક્ષેપ
• GPSCના ચેરમેન દિનેશ દાસા સામે NSUIના આક્ષેપ
• ભરતી પ્રક્રિયામાં અચાનક કરાયેલા બદલાવ સામે કર્યા આક્ષેપ

GPSC ભરતી મુદ્દે NSUIએ આક્ષેપો લગાવ્યા છે. GPSCના ચેરમેન દિનેશ દાસા વિરુદ્ધ ભરતી પ્રક્રિયામાં અચાનક કરાયેલા બદલાવને લઈ કેટલાક સવાલો ઉઠાવ્યા છે. ઉમેદવારોના પરિણામ કોના દબાણથી બે વાર રિવાઇઝ કરાયા તેવા સવાલો NSUI ઉઠાવી રહી છે. GPSCએ જાહેરાત બાદ પૂરતી સંખ્યામાં ભરતી ન કરી હોવાનો પણ આક્ષેપ છે. 

વર્ષ 2015-16માં લેક્ચરર મિકેનિકલ-આસિસ્ટન્ટ પ્રોફેસરની ભરતી બહાર પાડી હતી. GPSCએ કુલ 268 જેટલા ઉમેદવારોની પસંદગી કરવાની હતી. 6 વર્ષ બાદ ત્રણેય બ્રાન્ચમાં માત્ર 91 જેટલા ઉમેદવારોની પસંદગી થઈ છે. ECની ભરતીમાં 90ના બદલે માત્ર 31ની જ પસંદગી કરાઈ. મિકેનિકલ વિભાગમાં 111ની સામે માત્ર 24 ઉમેદવારો જ પસંદ કરાયા. ઇલેક્ટ્રિકલમાં 67માંથી 36 ઉમેદવારોની જ પસંદગી કરી છે. GPSCના નિયમો મુજબ કુલ ભરતી સામે 3 ગણા ઉમેદવારોના ઇન્ટરવ્યૂ લેવાના હોય છે. કુલ 91 ઉમેદવારોની જ પસંદગી થતા વિવાદ સર્જાયો છે. 170થી વધુ ઉમેદવારોને અચાનક ડિસ્ક્વોલિફાય જાહેર કરી દેવાયા હોવાની વાત NSUIએ કર્યો છે.