અહેવાલ / સરકારી હૉસ્પિટલની સરખામણીએ ખાનગી હૉસ્પિટલમાં દર્દી 7 ગણી વધુ રકમ ચૂકવે છે : NSO

સરેરાશ જોવા જઈએ તો ખાનગી હોસ્પિટલ સરકારી કરતા 7 ગણો વધુ ભાવ લે છે. જયારે શહેરના વિસ્તારોમાં તો આ ભાવ 8 ગણો વધુ હોય છે. 

સૌથી વધુ મોંઘી સારવાર કયા રોગોની?

કેન્સરની સારવાર દેશમાં સૌથી મોંઘી સારવાર ગણાય છે. આ સારવાર ખાનગી હોસ્પિટલમાં સરકારી કરતા 4 ગણી વધુ મોંઘી છે. આ ઉપરાંત હ્રદય રોગની સારવાર પણ સરકારી કરતા ખાનગીમાં 8 ગણી વધુ મોંઘી છે. 

રસપ્રદ બાબત એ છે કે મનોચિકિત્સકની સારવાર સરકારી હોસ્પિટલમાં બીજી સૌથી મોંઘી સેવા છે જયારે ખાનગીમાં તે ચોથી સૌથી મોંઘી સેવા છે. 

અલગ અલગ સેવાઓના ભાવ

સરકારી હોસ્પિટલમાં કુલ બિલના 50% ખર્ચ ફક્ત દવાઓનો હોય છે જયારે ખાનગી હોસ્પિટલમાં સૌથી વધુ ખર્ચ પેકેજનો હોય છે અર્થાત ઓપરેશન અને તેની સારસંભાળના કુલ પેકેજનો ખર્ચ. દવાઓની જો વાત કરવામાં આવે તો ખાનગીમાં તમારે સરકારી હોસ્પિટલ કરતા 3 ગણી વધુ કિંમત ચૂકવવી પડશે.