નિવેદન / અલર્ટ! અજીત ડોભાલે નવા ખતરાને લઈને આપી ચેતવણી, બોલ્યા ભારતે તૈયાર રહેવું પડશે

• આ ખતરાને પહોંચી વળવા માટે ભારતને નવી રણનીતિ બનાવવી પડશે
• બની રહ્યા છે યુદ્ધના નવા ક્ષેત્ર-  અજીત ડોભાલ
• મહામારી સામે એકલા ન પહોંચી વળાય-  અજીત ડોભાલ

આ ખતરાને પહોંચી વળવા માટે ભારતને નવી રણનીતિ બનાવવી પડશે

વાયરસને લઈને ડોભાલે કહ્યું કે આ ખતરાને પહોંચી વળવા માટે ભારતને નવી રણનીતિ બનાવવી પડશે. આ ઉપરાંત તેમણે સોશિયલ મીડિયાની વધતી અસર અને જળવાયુ પરિવર્તન સહિત વિભિન્ન મુદ્દા પર પોતાની વાત રાખી. ઉલ્લેખનીય છે કે કોરોના માટે જવાબદાર મનાતા ચીનની વિરુદ્ધ અનેક રિપોર્ટમાં કહેવામાં આવ્યું છે કે ચીને વાયરસનેો હથિયાર તરીકે ઉપયોગ કર્યો છે.

બની રહ્યા છે યુદ્ધના નવા ક્ષેત્ર

NSA અજીત ડોભાલે કહ્યું કે યુદ્ધના નવા વિસ્તાર સીમાઓને હટાવીને નાગરિકો સમાજમાં આવી ગયા છે. તેમણે કહ્યું કે ખતરનાક વાયરસને જાણી જોઈને હથિયારનું રુપ આપવામાં આવ્યું છે. જે ચિંતાનો વિષય છે. એટલા માટે રાષ્ટ્રીય ક્ષમતા વિકસિક કરવા અને જૈવ સુરક્ષા નિર્મિત કરવા  પર ભાર મુકવાની જરુર છે.

મહામારી સામે એકલા ન પહોંચી વળાય

જળવાયુ પરિવર્તનના મુદ્દા પર ચિંતા વ્યક્ત કરતા ડોભાલે કહ્યું કે સંકટ અને મહામારીના ખતરો કોઈ સીમાની અંદર સુધી સીમિત નથી રહેતો અને તેની સામે એકલા ન લડી શકાય તથા આનાથી થનારા નુકસાનને ઘટાડવાની જરુર છે. પૂર્ણે ઈન્ટરનેશનલ સેન્ટર દ્વારા આયોજિત પૂર્ણે ડાયલોગમાં સંકટ તથા મહામારીના યુગમાં રાષ્ટ્રીય સુરક્ષાની તૈયારી ઓ પર બાલતા ડોભાલે કહ્યું કે કોરોના મહામારી અને જળવાયુ પરિવર્તન સૌથી મોટો સંદેશ એ છે કે તમામની ભલાઈ જ તમામના જીવનને સુનિશ્ચિત કરશે.

શહેરોમાં વધવાનું છે ભારણ

NSAએ જળવાયુ પરિવર્તનના વિષય પર કહ્યું કે આ વધુ એક સંકટ છે. જેનાથી વિવિધ અને અપ્રત્યાશિત અસર થઈ શકે છે. તેમણે કહ્યું કે આ સંસાધનોની ઉપલબ્ધતાને અસર પહોંચાડે છે. જે દિવસેને દિવસે ઓછું થઈ રહ્યું છે. અને આ પ્રતિસ્પર્ઘાની જગ્યાએ અથડામણનું કારણ બની શકે છે. જળવાયુ પરિવર્તન અસ્થિરતા અને મોટા પાયા પર વસ્તીના વિસ્થાપન વધારી શકે છે. ડોભાલે કહ્યું કે 2030 સુધી ભારતમાં 60 કરોડ લોકોના શહેરમાં રહેવાની આશા છે. જળવાયુ પરિવર્તનના કારણે દક્ષિણ એશિયામાં નીચલા વિસ્તારમાં વિસ્થાપન પહેલાથી દબાણનો સામનો કરી રહેલા શહેરના પાયાગત માળખા પર ભારણ વધી શકે છે.

Social Media એ વધારી સમસ્યા

ડોભાલે કહ્યું કે સોશિયલ  મીડિયા  રાષ્ટ્રીય સુરક્ષા મેનેજમેન્ટને જટિલ બનાવી રહ્યું છે. સાયન્સ એન્ડ ટેક્નોલોજીનાં સંકટને રોકવામાં મદદ કરશે. સામરિક રાષ્ટ્રીય ભંડારનું મેનેજમેન્ટ, ઉપલબ્ધતા સુનિશ્ચિત કરવુ, મહત્વના ઉપકરણોની સુગમતાથી આપૂર્તિ અને પૂર્વ ચેતવણી પ્રણાલીને મજબૂત કરવા વગેરે રાષ્ટ્રીય સુરક્ષા યોજનાનું મહત્વનું તત્વ બની ગયું છે. તેમણે કહ્યું કે મહત્વનું જળવાયુ પરિવર્તન સંમેલન નવેમ્બરની શરુઆતમાં ગ્લાસગોમાં થવા જઈ રહ્યું છે. ભારત પોતાના જળવાયું લક્ષ્યને પુરુ કરવા માટે પ્રતિબદ્ધ છે.