સુરક્ષામાં ચૂક / NSA અજીત ડોભાલના ઘરે સુરક્ષામાં મોટી ચૂક થઈ, બળજબરી પૂર્વક કાર લઈને શખ્સ ઘરમાં ઘૂસ્યો

• અજીત ડોભાલના ઘરે સુરક્ષામાં મોટી ચૂક
• કાર લઈને શખ્સ ઘરમાં ઘૂસ્યો
• સિક્યોરિટીએ રોકી દબોચી લીધો

રાષ્ટ્રીય સુરક્ષા સલાહકાર અજીત ડોભાલના ઘરે એક શખ્સે ઘૂણસખોરી કરવાની કોશિશ કરી હતી. પ્રાપ્ત જાણકારી અનુસાર જોઈએ તો, આ શખ્સ કાર લઈને અજીત ડોભાલની કોઠીમાં ઘૂસવાની કોશિશ કરી રહ્યો હતો, પણ ત્યાં હાજર સુરક્ષાકર્મીઓ યોગ્ય સમયે આ શખ્સને રોકી રાખ્યો અને તેની ધરપકડ કરી લીધી હતી. હાલમાં દિલ્હી પોલીસની સ્પેશિયલ સેલની ટીમ તેની સાથે પુછપરછ કરી રહી છે. 

બોડીમાં ચિપ લગાવી દીધી હોવાની કહી વાત

પોલીસના જણાવ્યા અનુસાર પકડાયા બાદ શખ્સ કંઈ બબડી રહ્યો હતો. તે કહી રહ્યો હતો કે, તેની બોડીમાં કોઈએ ચિપ લગાવી દીધી છે અને તે રિમોટથી કંટ્રોલ થઈ રહ્યો છે. જો કે, તપાસમાં તેની બોડીમાં આવી કોઈ વસ્તુ મળી આવી નહોતી.

An unknown person tried to enter NSA Ajit Doval's residence. He was stopped by security forces & detained. Further investigations underway: Delhi Police Sources pic.twitter.com/XDljjCxuwM

— ANI (@ANI) February 16, 2022

સ્પેશિયલ ફોર્સ કરી રહી છે પૂછપરછ

ધરપકડમાં લેવાયેલો શખ્સ કર્ણાટકના બેંગલુરૂનો રહેવાસી છે. દિલ્હી પોલીસની એન્ટી ટેરર યુનિટ, સ્પેશિયલ સેલ આ શખ્સ સાથે પૂછપરછ કરી રહી છે. શખ્સને ધરપકડમાં લઈને તેની પૂછપરછ લોધી કોલોની સ્થિત સ્પેશિયલ સેલની ઓફિસમાં થઈ રહી છે.