NRI ન્યૂઝ / કેનેડામાં એવું શું થયું કે હજારો લોકો USમાં ગેરકાયદે ઘૂસણખોરી કરવા મજબૂર બન્યાં? સૌથી વધારે ભારતીયો હોવાનું અનુમાન

કેનેડા મારફતે ગેરકાયદેસર રીતે અમેરિકામાં પ્રવેશતા ભારતીયોની સંખ્યામાં તાજેતરના સમયમાં વધારો થયો છે. ખાસ કરીને નોર્થ અમેરિકન બોર્ડર પર, કેનેડાથી અમેરિકામાં પ્રવેશી રહેલા ભારતીય ઇમિગ્રન્ટ્સની સંખ્યામાં ઝડપથી વધારો થયો છે. NPR.orgના એક અહેવાલ મુજબ, ભારતમાંથી ઇમિગ્રન્ટ્સના જૂથો કેનેડાની સરહદ નજીક ક્લિન્ટન કાઉન્ટીમાં આવી રહ્યા છે. અહીં તેમને બીજા લોકો મળી જાય છે અને પ્રવાસીઓને ટેક્સીઓમાં દક્ષિણથી ન્યૂ યોર્ક સિટીમાં લઈ જાય છે. આનાથી આ પ્રદેશમાં એક પ્રકારની અલગ અર્થવ્યવસ્થા ઉભી થઈ ગઈ છે, જે છેલ્લા દોઢ વર્ષમાં ઉત્તરીય સરહદ પર અનધિકૃત ક્રોસિંગને કારણે ઉભરી આવી છે અને સતત વધી રહી છે.

અહેવાલ મુજબ, આ વર્ષે અત્યાર સુધીમાં, યુએસ કસ્ટમ્સ અને બોર્ડર પ્રોટેક્શન એજન્ટોએ ઉત્તરીય સરહદમાં પ્રવાસીઓને પ્રવેશતા રોકવા માટે 20,000 થી વધુ પ્રયાસો કર્યા છે. ગયા વર્ષની સરખામણીમાં આ 95 ટકાનો વધારો છે. પ્રવેશનો પ્રયાસ કરનારા 60 ટકા ભારતીય નાગરિકો હતા. અહીં શહેરના બીજા ભાગોમાં અપ્રવાસીઓને લઈ જનાર ટેક્સી ડ્રાઇવરનું કહેવું છે કે તે કેનેડાને ન્યૂયોર્કના અપસ્ટેટ સાથે જોડતા ગાઢ જંગલોમાંથી ગેરકાયદેસર રીતે અમેરિકામાં ઘૂસ્યો હતો. ત્યારબાદ તેણે યુ.એસ.માં આશ્રયનો દાવો કર્યો અને ઇમિગ્રેશન જજ સમક્ષ સુનાવણીની રાહ જોઈ રહ્યો છે. તેમનું કહેવું છે કે આવું કરવા પાછળનું તેમનું કારણ એ છે કે કેનેડા કરતાં અમેરિકામાં વધુ તકો છે.

અમેરિકા શા માટે જવા માંગે છે ભારતીયો?

યુનિવર્સિટી ઓફ વર્મોન્ટના ગ્લોબલ એન્ડ રિજનલ સ્ટડીઝ પ્રોગ્રામના ડાયરેક્ટર પાબ્લો બોઝ કહે છે કે મોટાભાગના ભારતીય ઇમિગ્રન્ટ્સ પાસે અમેરિકા આવવાના અલગ-અલગ કારણો છે. બોઝ કહે છે, 'અમારી પાસે ભારતીયોનો એક મોટો વર્ગ છે જે મોટાભાગે સેવા ઉદ્યોગોમાં કામ કરે છે. માઈગ્રન્ટ્સ માને છે કે કેનેડાની સરખામણીમાં અમેરિકામાં ઓછા ટેક્સ અને વધુ પગાર જેવી સુવિધાઓ છે. એવામાં લોકો સરળતાથી વિઝા લઈને કેનેડા પહોંચી જાય છે અને પછી અમેરિકા જાય છે. તેઓ સમજી ગયા છે કે યુએસ ડોલર કેનેડિયન ડોલર કરતાં 25 ટકા વધુ મજબૂત છે.'

આ પણ વાંચો: માનો કે કેનેડા કે USના સ્ટુડન્ટ વિઝા રિજેક્ટ થયા તો શું કરશો? પછી કયા દેશમાં અભ્યાસ કરવો બેસ્ટ

યુએસ-કેનેડા સરહદ પાર કરવી સરળ નથી. પ્રવાસીઓને શિયાળામાં ભારે ઠંડીનો સામનો કરવો પડી શકે છે. યુએસ અને કેનેડા વચ્ચેના કરાર હેઠળ તેમને તાત્કાલિક આશ્રય આપવાનો પણ ઇનકાર કરવામાં આવી શકે છે. આમ છતાં, લોકો મધ્ય અમેરિકા અથવા મેક્સિકન રણના ખતરનાક ભાગોમાંથી મુસાફરી કરવા કરતા વધુ સુરક્ષિત માને છે. લોકો એવું વિચારે છે કે અમેરિકામાં પ્રવેશ્યા પછી તેમને કોઈ ને કોઈ કામ મળી જશે અને પછી તેમને આશ્રય પણ મળી જશે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ