વાયદો / ગ્રીન કાર્ડને લઈ ટ્રમ્પનું મોટું એલાન, સીધો જ અમેરિકામાં ભણતા ભારતીય વિદ્યાર્થીઓને થશે ફાયદો

અમેરિકાના પૂર્વ પ્રમુખ ડોનાલ્ડ ટ્રમ્પે વચન આપ્યું છે કે જો તેઓ ફરીથી રાષ્ટ્રપતિ તરીકે ચૂંટાય છે, તો અમેરિકન કોલેજોમાંથી ડિગ્રી લીધા પછી વિદેશી વિદ્યાર્થીઓ આપોઆપ ગ્રીન કાર્ડ માટે હકદાર બની જશે. તેમણે કહ્યું કે આ સાથે ભારત અને ચીન જેવા દેશોની પ્રતિભાઓને તેમની ડિગ્રી લઈને ઘરે પરત ફરવું પડશે નહીં.

અમેરિકાને સક્ષમ લોકોની જરૂર

ટ્રમ્પે કહ્યું કે અમેરિકાને આગળ લઈ જવા માટે સક્ષમ લોકોની જરૂર છે. તેમને અમેરિકામાં રોકવાની જરૂર છે, દેશની બહાર મોકલવાની નહીં. આ વર્ષે નવેમ્બરમાં યોજાનારી અમેરિકન રાષ્ટ્રપતિની ચૂંટણી પહેલા ટ્રમ્પે માઇગ્રન્ટ્સ પ્રત્યેનું પોતાનું વલણ નરમ કરીને તેમને આકર્ષવાનો પ્રયાસ કર્યો છે.

ભારતીયોને થશે ફાયદો

અમેરિકામાં ભારતીયોની સંખ્યામાં વધારે છે, તેથી ગ્રીન કાર્ડનો લાભ પણ તેમને વધુ મળશે. ગ્રીન કાર્ડ એ અમેરિકામાં કાયમી રહેઠાણનો એક દસ્તાવેજ છે. પૂર્વ રાષ્ટ્રપતિ ટ્રમ્પ મેક્સિકો સરહદથી પ્રવેશતા ગેરકાયદેસર ઇમિગ્રન્ટ્સ પ્રત્યે તેમના કડક વલણ માટે જાણીતા છે. જોકે, ટ્રમ્પ હંમેશા મેરિટ આધારિત ઈમિગ્રેશન સિસ્ટમના સમર્થક રહ્યા છે.

ગ્રેજ્યુએટ થતાં જ મળશે ગ્રીન કાર્ડ

ટ્રમ્પે ગુરુવારે ઓલ ઇન પોડકાસ્ટ દરમિયાન કહ્યું કે કોઈપણ વિદેશી વિદ્યાર્થીને કોલેજમાંથી ગ્રેજ્યુએટ થતાંની સાથે જ ગ્રીન કાર્ડ મળી જવું જોઈએ. તેમાં જુનિયર કોલેજો પણ હોવી જોઈએ. પોડકાસ્ટનું આયોજન કરનારા ચાર મૂડીવાદીઓમાંથી ત્રણ ઇમિગ્રન્ટ્સ હતા.

વધુ વાંચો: ભારતીયો માટે ગુડ ન્યુઝ: હવે પતિ-પત્નીએ અલગ નહીં રહેવું પડે, મળી જશે ફટાફટ ગ્રીનકાર્ડ

બીજી તરફ, ટ્રમ્પનો ચૂંટણી પ્રચાર ચલાવનારાઓએ કહ્યું છે કે આ પહેલીવાર છે જ્યારે ટ્રમ્પ ચૂંટણી માટે રોકડ એકત્ર કરવાના મામલે રાષ્ટ્રપતિ જો બાઇડન કરતા આગળ નીકળી ગયા છે.

લેટેસ્ટ અપડેટ મેળવવા માટે આ લાઇન પર ક્લિક કરી ડાઉનલોડ કરો અમારી મોબાઈલ ફ્રેન્ડલી એપ