NRI ન્યૂઝ / કેનેડામાં સ્ટુડન્ટ વિઝા પર સેટલ થતા વિદ્યાર્થીઓને ઝટકો! નવા નિયમથી ડિપોર્ટ થવાનો ખતરો

કેનેડાની સરકારે આંતરરાષ્ટ્રીય વિદ્યાર્થીઓ માટે નવા નિયમ લાગૂ કર્યા છે. જેમાં પોસ્ટ સેકન્ડરી સ્ટડી પરમીટ અંગે ફેરફારોની યોજના બનાવવામાં આવી છે. આમાં, સરકારની યોજના છે કે જો સંસ્થાઓ ભારત સહિત અન્ય દેશોમાંથી આવતા આંતરરાષ્ટ્રીય વિદ્યાર્થીઓની યોગ્ય રીતે દેખરેખ નહીં રાખે, તો તેમની અભ્યાસ પરમિટ રદ કરી દેવામાં આવશે. નિયમો અનુસાર, કોલેજો અને યુનિવર્સિટીઓએ વિદ્યાર્થીઓની હાજરી અને અભ્યાસ પરમિટની શરતોના પાલન વિશે ઇમિગ્રેશન વિભાગને માહિતી આપવી પડશે.

અખબારી અહેવાલો અનુસાર, આ ફેરફારનો ઉદ્દેશ્ય આંતરરાષ્ટ્રીય વિદ્યાર્થીઓને છેતરપિંડીથી બચાવવા તેમજ કામ માટે સ્ટડી પરમિટનો ઉપયોગ કરીને કેનેડામાં બેકડોર એન્ટ્રીને રોકવાનો છે. નોંધનીય છે કે આ નિયમ હેઠળ હવે આંતરરાષ્ટ્રીય વિદ્યાર્થીઓ અઠવાડિયામાં માત્ર 24 કલાક કોલેજ કેમ્પસની બહાર કામ કરી શકશે. જો કે, આ પહેલા, આંતરરાષ્ટ્રીય વિદ્યાર્થીઓને વધતી મોંઘવારીનો સામનો કરવા માટે જીવન નિર્વાહ કરવા માટે 20 કલાકથી વધુ સમય માટે કેમ્પસની બહાર કામ કરવાની મંજૂરી આપવામાં આવી હતી.

કોલેજો અને યુનિવર્સિટીઓ ઈમિગ્રેશન વિભાગને આપશે રિપોર્ટ

કેનેડા સરકારના નવા નિયમો અનુસાર, કોલેજો અને યુનિવર્સિટીઓએ ઇમિગ્રેશન વિભાગને જાણ કરવી પડશે કે વિદ્યાર્થી કોલેજ જઈ રહ્યો છે કે નહીં અને સ્ટડી પરમિટની તમામ શરતોનું પાલન કરી રહ્યો છે કે નહીં.

સંસ્થા બદલવા પર નવી અરજી કરવાની રહેશે

સરકારની કેનેડા ગેઝેટ યોજના અનુસાર, વિદ્યાર્થીઓએ જ્યારે પણ સ્કુલ બદલવી હોય ત્યારે સ્ટડી પરમિટ માટે નવી અરજી કરવી આવશ્યક છે અને નવો પ્રોગ્રામ શરૂ કરતા પહેલા આ કરવું આવશ્યક છે. આ ફેરફારનો હેતુ એ સુનિશ્ચિત કરવાનો છે કે માત્ર વાસ્તવિક કોલેજો અને યુનિવર્સિટીઓ જ અભ્યાસ પરમિટ માટે લાયક છે અને જેઓ તેનું પાલન ન કરે તેમની સામે પગલાં લેવા જોઈએ. જ્યારે, નિયુક્ત શૈક્ષણિક સંસ્થાઓ પાસે વિદ્યાર્થીને સ્વીકારવા માટે 10 દિવસ અને દરેક વિદ્યાર્થીની નોંધણીની સ્થિતિ પર અનુપાલન રિપોર્ટ સબમિટ કરવા માટે 60 દિવસનો સમય હશે.

આ પણ વાંચો: કેનેડા જવા પહેલા સો વાર વિચારજો, બેરોજગારીની સાથે વધુ એક મુસીબતથી ભારતીયોને ફટકો

10 વર્ષમાં આ ફેરફારો પર લગભગ 87 મિલિયન ડોલરનો ખર્ચ

કેનેડા સરકારનો અંદાજ છે કે આ ફેરફારો માટે 10 વર્ષમાં અંદાજે $87 મિલિયનનો ખર્ચ થશે, જેમાં સરકાર, નિયુક્ત શૈક્ષણિક સંસ્થાઓ અને અભ્યાસ પરમિટ ધારકો માટે અમલીકરણના ખર્ચનો પણ સમાવેશ થાય છે. જેઓ શાળા બદલવા માંગે છે. તેમની પાસે ફેરફાર કરવા માટે 29 જુલાઈ સુધીનો સમય છે.

બધા જ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ