ઇનકમ ટેક્સ એક્ટના વર્તમાન નિયમ હેઠળ જો તમારી વાર્ષિક ટેક્સેબલ ઇનકમ 2.5 લાખ રૂપિયાથી વધારે છે તો તમારા માટે ઇનકમ ટેક્સ રિટર્ન ફાઇલ કરવું જરૂરી છે. જોકે ઇનકમ ટેક્સના નિયમ તમને તે સુવિધા પણ આપે છે જેનાથી તમે કેટલીક સ્કીમોમાં પૈસા રોકાણ કરી તે પૈસા પર ટેક્સ છૂટ ક્લેમ કરી શકો છો એટલે તે પૈસા પર તમને ટેક્સ નહીં ચુકવવો પડે. આજે અમે તમને એવી સ્કીમ વિશે જણાવી રહ્યા છીએ જ્યાં તમે પૈસા રોકાણ કરી ટેક્સ બચાવવાની સાથે તમારું રોકાણ લાંબા સમયમાં તમને 2 કરોડના માલિક પણ બનાવી દેશે.
NPSમાં વાર્ષિક 1.5 લાખ સુધીના રોકાણ પર મળે છે ટેક્સ છૂટ:
તમે ન્યૂ પેન્શન સિસ્ટમમાં Income Tax એક્ટ સેક્શન 80c હેઠળ વાર્ષિક 1.5 લાખ રૂપિયા સુધી ટેક્સમાં છૂટ મેળવી શકો છો. આ સ્કીમમાં રોકાણ કરી તમે રિટાયરમેંટ બાદ તમારા માતે પેન્શન પણ સિક્યોર કરી શકો છો.
2 કરોડના ફંડ માટે દર મહિને કરવું પડશે 10 000 રૂપિયાનું રોકાણ:
તમારે NPS હેઠળ 2 કરોડનું ફંડ બનાવવા માટે દર મહિને 10 000 રૂપિયાનું રોકાણ કરવું પડશે. ઉદાહરણ મનોજ કુમારની ઉંમર 30 વર્ષ છે અને તે ટેક્સ બચાવવા માટે દર મહિને 10 000 રૂપિયા NPSમાં રોકે છે. આ પ્રકારની તે વાર્ષિક 1 લાખ 20 હજાર રૂપિયાનું રોકાણ NPSમાં કરે છે. જેથી તેમને આ રકમ પર કોઇપણ ટેક્સ પે કરવાની જરૂર નહીં પડે. જો મનોજ 60 વર્ષની ઉંમર સુધી દર મહિને 10000 રૂપિયા રોકાણ કરે છે અને તેમને વાર્ષિક 10% રિટર્ન મળે છે તો 30 વર્ષમાં તેમનું રિટાયરમેંટ ફંડ 2 કરોડ 17 લાખ રૂપિયા થઇ જશે.
મંથલી 60 હજાર રૂપિયા મળશે પેન્શન:
NPS હેઠળ રિટાયરમેંટ સમયે કુલ ફંડના 40 % એન્યુટી પ્લાન ખરીદવામાં ખર્ચ કરવા પડે છે. એટલે મનોજ કુમારને 2 કરોડ 27 લાખ રૂપિયામાંથી લગભગ 92 લાખ રૂપિયાનો એન્યુટી પ્લાન ખરીદવો પડશે. એનાથી મનોજ કુમારને દર મહિને 60 હજાર રૂપિયા પેન્શન તરીકે મળશે. તે સિવાય મનોજ કુમારને 60 વર્ષની ઉંમરમાં 1 કરોડ 37 લાખ રૂપિયા લમ્પ સમ એમાઉન્ટ તરીકે મળી જાય છે.