પેન્શન ફંડ રેગ્યુલેટરી એન્ડ ડેવલપમેન્ટ ઓથોરિટી (PFRDA)એ નેશનલ પેન્શન સિસ્ટમ (NPS)ને લઈને ડેટા જારી કર્યો છે.
આ સરકારી સ્કીમમાં મળશે મોટી રાહત
NPS યોજનામાં સબ્સક્રાઇબર્સની સંખ્યા વધીને 4.35 કરોડ સુધી પહોંચી ગઈ છે
આ સ્કીમમાં ગ્રાહકોને તમામ ફંડ ઉપાડવાની મંજૂરી મળી જશે
આ ડેટા મુજબ NPS યોજનામાં સબ્સક્રાઇબર્સની સંખ્યા વધીને 4.35 કરોડ સુધી પહોંચી ગઈ છે. એક વર્ષ પહેલાં આ અવધિમાં બંને યોજનાઓ સાથે જોડાયેલા સબ્સક્રાઇબર્સની સંખ્યા 3.59 કરોડ હતી. તમે પણ નેશનલ પેન્શન સિસ્ટમ સાથે જોડાઈને આ સ્કીમનો ફાયદો ઉઠાવી શકો છો. ટૂંક સમયમાં આ સ્કીમમાં ગ્રાહકોને તમામ ફંડ ઉપાડવાની મંજૂરી મળી જશે.
સમાચારો મુજબ પેન્શન ફંડ રેગ્યૂલેટરી એન્ડ ડેવલપમેન્ટ ઓથોરિટી (PFRDA)એ પેન્શન મેળવનારા કર્મચારીઓ માટે એક નવો વિકલ્પ લાવવાની યોજના બનાવી છે. આ યોજના હેઠળ 5 લાખ રૂપિયા સુધીની રકમને એકસાથે ઉપાડવાની મંજૂરી આપવામાં આવી શકે છે.
5 લાખ રૂપિયા સુધી ઉપાડી શકશો રકમ
દેશમાં કોરોના વાયરસની બીજી લહેરની વચ્ચે 5 લાખ રૂપિયાની રકમ ઉપાડવા પર કેટલાક ગ્રાહકોને રાહત મળશે. હાલના નિયમો હેઠળ NPS હોલ્ડર્સ 2 લાખ રૂપિયા સુધી ઉપાડી શકે છે. આ ઉપરાંત પેન્શનર્સ પોતાના કોન્ટ્રીબ્યૂશનના 60 ટકા રકમ ઉપાડી શકે છે જ્યારે 40 ટકા તેમને જમા રાખવા પડશે.
NPS એકાઉન્ટ બે પ્રકારના હોય છે
NPS એકાઉન્ટ બે પ્રકારના હોય છે. એક ટિયર-1 અને બીજું ટિયર-2. જેમાં ટિયર-1 પેન્શન એકાઉન્ટ છે અને ટિયર-2 એક ઈન્વેસ્ટમેન્ટ એકાઉન્ટ છે. હાલના એન્યૂટીઝ પર એવરેજ રિટર્ન લગભગ 5.5 ટકા છે. ઇનફ્લેશન અને પેન્શનની રકમ પર ઈન્કમ ટેક્સની સાથે સબ્સક્રાઇબર્સ માટે વાસ્તવિક રિટર્ન અનેકવાર ઓછું થઈ જાય છે. નવા નિયમોમાં NPS હોલ્ડર્સ પોતાના પૈસાને ત્યાં રોકાણ કરી શકે છે જ્યાં તેને સારું રિટર્ન મળે.