તમારા કામનું / રિટાયરમેન્ટ બાદ દર મહિને મળશે 75,000 રૂપિયા, સરકારની આ શાનદાર સ્કિમમાં કરો રોકાણ, જાણો ડિટેલ્સ

• NPSમાં કરો દર મહિને રોકાણ 
• રિટાયરમેન્ટ પર મળશે 75,000 રૂપિયા 
• જાણો કઈ રીતે કરશો રોકાણ 

રિટાયરમેન્ટ બાદ જો તમને દર મહિને 75,000 રૂપિયાનું પેન્શન જોઈએ છે. તો તમે નેશનલ પેન્શન સિસ્ટમ એટલે કે NPSમાં રોકાણ કરી શકો છો. NPSને રિટાયરમેન્ટ પ્લાનિંગનો શ્રેષ્ઠ માર્ગ માનવામાં આવે છે. આ એક સરકારી સ્કીમ છે જેમાં જો પૈસા નિયમિત રીતે જમા કરાવવામાં આવે તો નિવૃત્તિ સુધી મોટી રકમ ઉભી કરી શકાય છે. NPSની પાકતી મુદત પર ગ્રાહક એક લમ્પસમ રકમ ઉપાડી શકે છે અને બાકીની રકમથી એન્યુટી પ્લાન ખરીદી શકે છે જેથી તેને મહિનાનું ફિક્સ પેન્શન મળી શકે. 

બે મોડમાં રોકાણ કરવાની આપવામાં આવે છે ચોઈસ 
નિવૃત્તિ પછીના ખર્ચ માટે દર મહિને નિશ્ચિત રકમની જરૂર હોય તેવા લોકો માટે NPS વધુ સારું માનવામાં આવે છે. ખાસ કરીને જ્યારે આવકનો કોઈ સ્ત્રોત ન હોય. NPS રોકાણમાં ખૂબ જ ઓછું જોખમ છે અને PPF, ફિક્સ્ડ ડિપોઝિટ કરતાં વધુ વળતર આપે છે. NPS હેઠળ ગ્રાહકને સક્રિય અને ઓટો ચોઈસ એમ બે મોડમાં રોકાણ કરવાની તક આપવામાં આવે છે.

કઈ રીતે મળશે 75,000 રૂપિયાનું પેન્શન 
એક્ટિવ ચોઈસમાં, ગ્રાહક તેના નાણાંને સ્ટોક્સ, સરકારી સિક્યોરિટીઝ જેવા સાધનોમાં રોકાણ કરવાની મંજૂરી આપે છે. કુલ NPS રોકાણના 75% એક્ટિવ ચોઈસમાં રોકાણ કરી શકાય છે. ચાલો જાણીએ કે દર મહિને 75,000 રૂપિયાના પેન્શન માટે NPSમાં કેટલું રોકાણ કરવું પડશે.

દર મહિને 75,000 રૂપિયાના રોકાણ માટે NPSના મેચ્યોરિટી એમાઉન્ટ એટલે કે ગ્રાહકના 60 વર્ષ  પર 3.83 કરોડ રૂપિયા હોવા જોઈએ. આ નાણાં વાર્ષિકી પ્લાનમાંથી પ્રાપ્ત થશે જે મેચ્યોરિટી સમયે રોકાણ કરવામાં આવે છે. સૌથી મહત્વની બાબત એ છે કે 3.83 કરોડ રૂપિયા કેવી રીતે એકત્ર કરવા, જેથી 60 વર્ષની ઉંમર પછી દર મહિને 75,000 રૂપિયાનું પેન્શન મળશે.

10,000 રૂપિયાથી રોકાણ શરૂ કરો
ધારો કે 25 વર્ષની કોઈ વ્યક્તિ આગામી 35 વર્ષ સુધી દર મહિને NPSમાં રૂ. 10,000નું રોકાણ કરવાનું શરૂ કરે છે. દર વર્ષે 10% ના રિટર્નની રીતે જોતા 60 વર્ષની ઉંમરે, 3,82,82,768 રૂપિયા એકઠા થશે. 

જો આ રકમનો 40 ટકા ભાગ વાર્ષિકી પ્લાન ખરીદવામાં રોકાણ કરવામાં આવે તો નિવૃત્તિ સુધી દર મહિને રૂ. 76,566 મળશે. જે લોકો 30 વર્ષના છે અને દર મહિને NPSમાં રૂ. 16,500નું રોકાણ કરવાનું શરૂ કરે છે. તેઓને નિવૃત્તિ પછી સરળતાથી રૂ. 75,218નું પેન્શન મળશે.