કેટલાક લોકો પોલીસ સ્ટાફને અલગ દિશામાં લઇ જવા પ્રયાસ કરી રહ્યા છે, સરકાર ગુજરાત પોલીસની સમસ્યા સમજે છે અને નિરાકરણ પણ લાવે છે: હર્ષ સંઘવી
પોલીસ ગ્રેડ પે મુદ્દે હર્ષ સંઘવીનુ નિવેદન: દેશમાં અત્યાર સુધીમાં આવો વધારો ક્યાંય નથી થયો
કેટલાક લોકો પોલીસ સ્ટાફને અલગ દિશામાં લઇ જવા પ્રયાસ કરી રહ્યા છે: હર્ષ સંઘવી
સરકાર ગુજરાત પોલીસની સમસ્યા સમજે છે અને નિરાકરણ પણ લાવે છે: હર્ષ સંઘવી
પોલીસ ગ્રેડ-પે મુદ્દે હર્ષ સંઘવીનુ મોટું નિવેદન સામે આવ્યું છે. આજે પ્રેસ કોન્ફરન્સને સંબોધતા દરમ્યાન હર્ષ સંઘવીએ પોલીસના ગ્રેડ-પેને લઈ નિવેદન આપતા કહ્યું હતું કે, કેટલાક લોકો પોલીસ સ્ટાફને અલગ દિશામાં લઇ જવા પ્રયાસ કરી રહ્યા છે. આ સાથે દેશમાં અત્યાર સુધીમાં આવો વધારો ક્યાંય નથી થયો તેવું પણ ઉમેર્યું હતું.
રાજ્યના ગૃહમંત્રી હર્ષ સંઘવીએ પોલીસ ગ્રેડ પે મુદ્દે નિવેદન આપતા જણાવ્યું કે, 'દેશમાં અત્યાર સુધીમાં આવો વધારો ક્યાંય નથી થયો, સરકાર ગુજરાત પોલીસની સમસ્યા સમજે છે અને નિરાકરણ પણ લાવે છે, કેટલાક લોકો અમારા પોલીસ સ્ટાફને અલગ દિશામાં લઇ જવાનો પ્રયાસ કરી રહ્યાં છે.'
ગુજરાતમાં હાલ ડ્રગ્સનો મુદ્દો ભાર ચર્ચાસ્પદ બન્યો છે. કારણ કે, રાજ્યમાં છેલ્લા કેટલાય સમયથી ક્યાંક ને ક્યાંક ડ્રગ્સ પકડાતું જ રહે છે. ત્યારે રાજ્યમાં ડ્રગ્સ નેટવર્ક અંગે રાજકારણ મુદ્દે ગૃહરાજ્યમંત્રી હર્ષ સંઘવીએ મહત્વનું નિવેદન આપ્યું છે. હર્ષ સંઘવીએ ડ્રગ્સ મુદ્દે રાજકારણને લઇ નિવેદન આપતા કહ્યું કે, 'ગુજરાત પોલીસે એક વર્ષમાં 6500 કરોડનું ડ્રગ્સ પકડ્યું છે. જેનાથી પાકિસ્તાન-અફઘાનિસ્તાન જેવા દેશોને પણ ઝટકો લાગ્યો છે. કલકતામાં DRI સાથે મળીને 39 કિલો 280 કરોડનું ડ્રગ્સ ઝડપાયું છે. આ ડ્રગ્સ કોઈ સામેથી નથી મૂકી જતું, ગુજરાત પોલીસ સાહસ સાથે ડ્રગ્સ પકડે છે એટલે પકડાય છે.
જે કોઈ પણ ડ્રગ્સની માહિતી આપે છે તેને ઈનામ મળે છે: હર્ષ સંઘવી
વધુમાં કહ્યું કે, 'ગુજરાતને બદનામ કરવાના અલગ-અલગ પ્રયત્ન કરાયા. અમે રિવોર્ડ પોલિસી અંતર્ગત ફંડ અલગથી ફાળવ્યું છે. જે કોઈ પણ ડ્રગ્સની માહિતી આપે છે તેને ઈનામ મળે છે. ગુજરાતની ટીકા કરનારાઓ રાજ્યના રિવોર્ડ પોલિસીનો અભ્યાસ માટે કાગળો મંગાવે છે. રિવોર્ડ પોલિસી માટે અન્ય રાજ્યો વિગતો મંગાવી રહ્યાં છે. ડ્રગ્સ જેવા વિષય પર રાજનીતિ માટે ખોટા આંકડાઓ અને રિપોર્ટ બહાર પાડવામાં આવે છે. દુનિયાભરના દેશોમાં ડ્રગ્સ આજે ફેશનપેટર્ન બની ગયું છે.'