નિર્ણય / આ જ તો જોઈતું હતું લો! પર્સનલ કારમાં નીકળો તો માસ્ક પહેરવું ફરજીયાત નહીં, જાણો ક્યાં લેવાયો નિર્ણય

• દિલ્હી સરકારનો મહત્વનો નિર્ણય
• પરિવારજનો સાથે નિકળેલા લોકોએ માસ્ક પહેરવું ફરજીયાત નહીં
• આ આદેશ 28 ફેબ્રુઆરીથી લાગુ થશે

આપને જણાવી દઈએ કે દિલ્હીમાં કોરોનાના કેસ ઘટી રહ્યા છે ત્યારે દિલ્હી સરકાર કોરોના પ્રતિબંધોમાં છૂટ આપી રહી છે. હવે દિલ્હીમાં કાર ચલાવતી વખતે માસ્ક પહેરવું ફરજિયાત નહીં હોય, સાથે જ કારમાં મુસાફરી કરતા લોકોએ પણ માસ્ક પહેરવાની જરૂર નહીં પડે.

આ આદેશ 28 ફેબ્રુઆરીથી લાગુ થશે

પર્સનલ કારમાં મુસાફરી કરતા લોકો માટે માસ્ક પહેરવું ફરજિયાત રહેશે નહીં. અત્યાર સુધી માત્ર એકલ ડ્રાઇવરને ડ્રાઇવિંગ કરતી વખતે માસ્ક પહેરવાથી મુક્તિ આપવામાં આવી હતી, પરંતુ હવે ખાનગી કારમાં મુસાફરી કરનારા તમામને છૂટ આપવામાં આવી છે. દિલ્હી સરકારે સત્તાવાર આદેશ જારી કર્યો, આ આદેશ સોમવાર 28 ફેબ્રુઆરીથી લાગુ થશે.

DDMAએ નવા આદેશ જાહેર કર્યા

દિલ્હીમાં હવે માસ્ક ન લગાવવા અથવા સોશિયલ ડિસ્ટન્સિંગનું પાલન ન કરવા બદલ માત્ર ₹500નો દંડ કરવામાં આવશે. રકમ રૂ.2,000 થી ઘટાડીને રૂ.500 કરવામાં આવી હતી. દિલ્હી સરકારે સત્તાવાર આદેશ જાહેર કર્યો છે.

દિલ્હીમાં કોરોના સંબંધિત તમામ પ્રતિબંધો હટાવી દેવામાં આવ્યા છે.

દિલ્હીમાં નાઇટ કર્ફ્યુ સમાપ્ત થયો.

- તમામ દુકાનો, શોપિંગ મોલ, રેસ્ટોરાં, બાર વગેરે હવે કોઈપણ પ્રતિબંધ વિના ખોલી અને બંધ કરી શકશે.