Paytm પોતાના રેન્ટ પેમેન્ટ્સ ફીચરમાં ખાસ સુવિધા આપી રહ્યું છે. કંપનીએ ક્રેડિટ કાર્ડથી ઘરના ભાડાની ચૂકવણી પર 1,000 રૂપિયાના કેશબેકની જાહેરાત કરી છે.
પેટીએમએ તેના પ્લેટફોર્મમાં એક ફીચર એડ કર્યુ છે
હવે આ એપના માધ્યમથી ભાડે રહેતા લોકો પણ સરળતાથી મકાનનું ભાડું ચૂકવી શકશે
કંપનીએ ક્રેડિટ કાર્ડથી ચૂકવણી પર એક હજાર રૂપિયાના કેશબેકની જાહેરાત કરી છે
ભારતની અગ્રણી ડિજિટલ ફાયનાન્સિયલ સર્વિસિઝ પેમેન્ટ પ્લેટફોર્મ પેટીએમએ જાહેરાત કરી છે કે એપ તેના રેન્ટ પેમેન્ટ્સ સુવિધામાં વધુ એક ફીચર એડ કરવા જઈ રહ્યું છે. જેના કારણે હવે આ એપના માધ્યમથી ભાડે રહેતા લોકો પણ સરળતાથી મકાનનું ભાડું ચૂકવી શકશે. કંપનીએ ક્રેડિટ કાર્ડથી ચૂકવણી પર એક હજાર રૂપિયાના કેશબેકની જાહેરાત પણ કરી છે. દરેક ટ્રાન્ઝેક્શન ઉપરાંત યુઝર્સ ક્રેડિટ કાર્ડથી પોઈન્ટ જમા કરાવી શકે છે.
આ રીતે કરો ચૂકવણી
પેટીએમે નિવેદન બહાર પાડીને જણાવ્યું છે કે, મકાન માલિકને ક્રેડિટ કાર્ડથી પેમેન્ટ કરવા માટે યુઝર્સે પેટીએમના હોમસ્ક્રીન પર રિચાર્જ એન્ડ પે બિલ્સ સેક્શનમાં જવું પડશે. જ્યાં પેમેન્ટ ઓપ્શન સિલેક્ટ કર્યા બાદ મંથલી રેંટ ને ટ્રાન્સફર કરવા બાકીના સ્ટેપ્સ પૂરા કરો. યુઝર્સ તેમના ક્રેડિટ કાર્ડથી સીધા મકાન માલિકના બેંક એકાઉન્ટમાં ભાડું ટ્રાન્સફર કરી શકે છે. એટલું જ નહીં, પેટીએમ યુપીઆઈ, ડેબિટ કાર્ડ અને નેટબેંકિંગ દ્વારા મકાન ભાડું ચૂકવવાની સુવિધા પણ આપે છે. આ કરવા માટે યુઝર્સેએ ફક્ત મકાનમાલિકના બેંક ખાતાની વિગતો જ દાખલ કરવાની રહેશે. આ સાથે જ તે રેંટ પેમેન્ટ ટ્રેક કરવામાં મદદ કરે છે. પેમેન્ટની તારીખ યાદ અપાવે છે અને પેમેન્ટ થયા બાદ તરત મકાન માલિકને પૈસા ટ્રાન્સફર થઈ જાય છે.
પેટીએમના વાઇસ પ્રેસિડેન્ટ નરેન્દ્ર યાદવના કહેવા મુજબ, આપણા દેશમાં મકાનના ભાડા માટે એક નિશ્ચિત રકમ વારંવાર જમા કરાવવાનો મોટો ખર્ચ થાય છે. લોન્ચ થયાના થોડા મહિનાની અંદર રેંટ પેમેન્ટ ફિચર કેશ ફ્લો જાળવી રાખવા યુઝર્સને સક્ષમ બનાવશે. આ યુઝરને ક્રેડિટ કાર્ડની સાયકલ મુજબ રેંટ પેમેન્ટ કરવાની ફેસિલિટી આપે છે. આ સર્વિસના વિસ્તાર સાથે Paytm રેન્ટ પેમેન્ટમાં માર્કેટમાં નેતૃત્વની સ્થિતિને યથાવત રાખશે. માર્ચ 2021 સુધીમાં 300 કરોડ રૂપિયાનું રેંટ પ્રોસેસ થવાની આશા છે.