ટેકનોલોજી / હવે સરળતાથી જ રેકોર્ડ કરી શકાશે WhatsApp કોલ, આ જુગાડ તમારા કામનો

WhatsApp Call Recording: તમે કોઈને કોલ કરવા માટે વોટ્સએપનો ઉપયોગ કરો છો અને ઈચ્છો છો કે કેટલાક કોલ રેકોર્ડ કરી શકાય, તો અમે તમને એક ખાસ રીત વિશે જણાવી રહ્યા છીએ કે કેવી રીતે વોટ્સએપ કોલ રેકોર્ડ કરી શકાય છે.

વોટ્સએપ આજે એક લોકપ્રિય ઇન્સ્ટન્ટ મેસેજિંગ એપ્લિકેશન છે. મોબાઈલ ફોનનો ઉપયોગ કરતા 99 ટકા લોકો ચોક્કસપણે તેમના ફોનમાં વોટ્સએપ ઇન્સ્ટોલ કરેલું હશે. વોટ્સએપે લોકો વચ્ચેનું અંતર ઘટાડ્યું છે. વોટ્સએપના આગમન પછી માઇલો દૂર બેઠેલી વ્યક્તિ પણ એકબીજા સાથે જોડાયેલી રહે છે. ઘણા સ્માર્ટફોન યુઝર્સ સામાન્ય કોલની જેમ વોટ્સએપ કોલ રેકોર્ડ કરવા માંગે છે. આવી સ્થિતિમાં સવાલ એ થાય છે કે શું તમે વોટ્સએપ પર કોલ રેકોર્ડ કરી શકશો?

સૌથી પહેલા તમને જણાવી દઈએ કે વોટ્સએપ પર એવી કોઈ સત્તાવાર રીત નથી કે જેના દ્વારા કોલ રેકોર્ડ કરી શકાય. વોટ્સએપે કોલ રેકોર્ડિંગનું કોઈ ઇન-બિલ્ટ ફીચર આપ્યું નથી, છતાં થર્ડ પાર્ટી એપ્સની મદદથી કોલ રેકોર્ડ કરી શકાય છે.

કૉલ રેકોર્ડિંગ એપ્લિકેશન

Cube ACR: આ એક લોકપ્રિય કોલ રેકોર્ડિંગ એપ છે જે માત્ર વોટ્સએપ જ નહીં પરંતુ અન્ય વીઆઈપી કોલ પણ રેકોર્ડ કરવામાં સક્ષમ છે.

Salestrail: એક પ્રીમિયમ કૉલ રેકોર્ડિંગ એપ્લિકેશન છે જે ખાસ કરીને વ્યાવસાયિકો માટે ડિજાઇન કરાયેલ છે.

ACR Call Recorder: આ લોકપ્રિય એપનું ઈન્ટરફેસ વાપરવા માટે ખૂબ જ સરળ છે.

આ પણ વાંચોઃ Netflix યુઝર્સ સાવધાન! એક ભૂલ અને એકાઉન્ટ ખાલી, તમારી સાથે પણ થઇ શકે છે આ સ્કેમ

Whatsapp કૉલ્સ રેકોર્ડ કરવા માટે આ પગલાં અનુસરો

સૌ પ્રથમ ગૂગલ પ્લે સ્ટોર પરથી Cube ACR, Salestrail અથવા ACR કોલ રેકોર્ડર જેવી એપ્સ ડાઉનલોડ કરો.

એપ્લિકેશન ઇન્સ્ટોલ કર્યા પછી બધી જરૂરી પરવાનગીઓ આપો.

કેટલીક એપ્સમાં કોલ રેકોર્ડિંગ મેન્યુઅલી એબલ કરવું પડી શકે છે.

વોટ્સએપ કોલ શરૂ થતાની સાથે જ આ એપ ઓટોમેટીક કોલ રેકોર્ડ કરવાનું શરૂ કરી દેશે.

કૉલ સમાપ્ત થયા પછી આ એપ્સમાં રેકોર્ડિંગ સાંભળી શકાય છે.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ