RBIએ ફીચર ફોન યુઝર્સને મોટી ગિફ્ટ આપતા મંગળાવારે યુપીઆઈ આધારિત પેમેન્ટ્સ પ્રોડક્ટ લોન્ચ કર્યું છે.
RBIએ શરૂ કરી નવી સુવિધા
વગર ઈન્ટરનેટે પણ કરી શકશો પેમેન્ટ
જાણો તેના વિશે બધુ જ
દેશના કરોડો ફિચર ફોન યુઝર્સ માટે સારી ખબર છે. હવે ડિજિટલ પેમેન્ટ કરવા માટે સ્માર્ટફોન અને ઈન્ટરનેટની જરૂર નહીં રહે. RBIએ ફિચર ફોનનો ઉપયોગ કરનાર યુઝરને મોટી ગિફ્ટ આપતા મંગળવારે યુપીઆઈ આધારિત પેમેન્ટ્સ પ્રોડક્ટ લોન્ચ કરી છે. આ ફિચર ફોનનું યુઝર્સ સરળતાથી ડિજિટલ પેમેન્ટ કરી શકશે.
દેશમાં કરોડો એવા લોકો છે જે ફિચર ફોનનો ઉપયોગ કરે છે. તેમાં મોટાભાગના ગ્રામીણ વિસ્તારમાં રહેનાર લોકો છે. આ લોકો મોંઘા સ્માર્ટફોન નથી ખરીદી શકતા અને કોલિંગ અને મેસેસિંગ સુવિધા વાળા ફિચર ફોનનો ઉપયોગ કરે છે. એવા લોકો પણ હવે યુપીઆઈ પેમેન્ટ કરી શકે છે.
Watch out for the launch of UPI for feature phones - UPI123Pay and 24*7 helpline for digital payments - DigiSaathi by RBI Governor @DasShaktikanta at 12 noon on March 08, 2022
24*7 હેલ્પલાઈન પણ મળશે
RBIએ મંગળવારે એક ટ્વીટમાં કહ્યું, RBI ગવર્નર 8 માર્ચ 2022એ બપોરે 12 વાગ્યે ફિચર ફોન્સ માટે યુપીઆઈ સુવિધા અને ડિઝિટલ પેમેન્ટ્સ માટે 24*7 હેલ્પલાઈન- ડિજિસાથી લોન્ચ કરી રહ્યા છે. RBI ગવર્નર શક્તિકાંત દાસે ગયા વર્ષે ડિસેમ્બરમાં ફિચર ફોન્સ માટે ડિજિટલ ચુકવણી સિસ્ટમ લોન્ચ કરવાની જાહેરાત કરી હતી. દેશમાં યુપીઆઈ એક લોકપ્રિય ચુકવણી પ્રણાલીના રૂપમાં છે.
વધુ લોકો સુધી પહોંચશે નાણાકીય સુવિધાઓ
ફિચર ફોનમાં સ્માર્ટફોન જેવી સુવિધા નથી હોતી. આ ખૂબ ઓછા ભાવમાં બજારમાં મળી જાય છે. ફિચર ફોનમાં કોલ કરવા અને ટેક્સ્ટ મેસેજ કરવાની સુવિધા હોય છે. આરબીઆઈ ગવર્નરે જણાવ્યું કે દેશમાં નાણાકીય સુવિધાઓની પહોંચ વધારવા માટે આ જરૂરી છે કે ફિચર ફોન યુઝર્સને ડિજિટલ પેમેન્ટ્સની મુખ્યધારામાં લાવવામાં આવે.
જાણો દેશમાં કેટલા છે ફિચર ફોન યુઝર્સ
ઓક્ટોબર 2021ના ટ્રાયના આંકડા અનુસાર, 118 કરોડ મોબાઈલ ફોન યુઝર્સ છે. તેનો એક ભાગ હજુ પણ ફિચર ફોનનો ઉપયોગ કરે છે. દેશમાં 74 કરોડ સ્માર્ટફોન યુઝર્સ છે. બાકી 44 કરોડ ફિચર ફોનનો ઉપયોગ કરનાર લોકો ડિજિટલ ચુકવણીના વિકલ્પોનો ઉપયોગ નથી કરી શકતા. આ UPI123Pay સુવિધાના માધ્યમથી ફિચર ફોન યુઝર્સ સ્માર્ટફોન યુઝર્સની જેમ જ ડિજિટલ પેમેન્ટ કરી શકશે. આ સુવિધાથી યુઝર્સ ખૂબ નાની રકમની ચુકવણી પણ સરળતાથી કરી શકશે.