ફોન અસલી છે કે નકલી તે તમે મેસેજ કરીને આસાનીથી જાણી શકો છો. આ સુવિધા ગ્રાહકો માટે ભારત સરકારના ટેલિકમ્યુનિકેશન વિભાગે ઉભી કરી છે. જે અંતર્ગત એક એસએમએસ મોકલી જાણકારી મેળવી શકો છો. મેસેજ એપથી KYM લખીને સ્પેસ છોડીને 15 આંકનો તમારા મોબાઇલનો આઇએમઇઆઇ નંબર ટાઇપ કરીને તેને 14422 પર મોકલો. તમને એક મેસેજ આવશે જેમાં તમારા ફોનની કંપની,મોડલ સહિતની જાણકારી હશે.
ભારતમાં કરોડો લોકો સ્માર્ટ ફોન વાપરે છે અને લાખો લોકો સસ્તામાં સેકન્ડ હેન્ડ ફોન પણ ખરીદે છે. આપણા દેશમાં તેનું એક મોટું માર્કેટ છે. ઓએલએકસ જેવી વેબસાઇટ પરથી પણ તમે ખરીદી શકો છો. જોકે તેમાં જોખમ પણ રહેલું છે. એક જોખમ છે ચોરીનો મોબાઇલ હોવાનો અને બીજુ જોખમ છે તમને કોઇ સસ્તાના નામે ડુપ્લીકેટ મોબાઇલ ભટકાડી શકે છે. અલબત્ત હાઇ એન્ડ મોબાઇલના કેસમાં તે એટલું શકય નથી કેમકે તે ફોનની બિલ્ડ કવોલિટી,ડિસ્પ્લે અને અન્ય ફિચર્સ એટલા પ્રિમિયમ હોય છે કે તેને જોઇને કે હાથમાં લેતા જ ખબર પડી જાય છે. આ ફ્રોડ બજેટ કેટેગરીમાં આવતા સસ્તા સ્માર્ટ ફોનમાં વધુ થાય છે.
ફોન અસલી છે કે નકલી તે તમે મેસેજ કરીને આસાનીથી જાણી શકો છો. આ સુવિધા ગ્રાહકો માટે ભારત સરકારના ટેલિકમ્યુનિકેશન વિભાગે ઉભી કરી છે. જે અંતર્ગત એક એસએમએસ મોકલી જાણકારી મેળવી શકો છો. મેસેજ એપથી KYM લખીને સ્પેસ છોડીને 15 આંકનો તમારા મોબાઇલનો આઇએમઇઆઇ નંબર ટાઇપ કરીને તેને 14422 પર મોકલો. તમને એક મેસેજ આવશે જેમાં તમારા ફોનની કંપની,મોડલ સહિતની જાણકારી હશે. જો તમને આઇએમઇઆઇ નંબર ખબર ના હોય તો *#06# ડાયલ કરવાથી તે મળી જશે. આ ઉપરાંત ગુગલ પ્લે સ્ટોર પરથી KYM-know your mobile એપ ડાઇનલોડ કરીને પણ ફોનની તમામ જાણકારી મેળવી શકો છો. આ એપ તમને તમારો આઇએમઇઆઇ નંબર બ્લોક કરાયો હશે તો તે પણ બતાવશે.