આઝાદી / હવે ગમે ત્યારે કેન્સલ કરી શકશો પોલિસી, કંપનીએ પરત કરવા પડશે રૂપિયા, IRDAIનો મોટો નિર્ણય

દેશભરના કરોડો વીમા પોલિસીધારકો માટે રાહતના સમાચાર છે. ઈન્સ્યોરન્સ રેગ્યુલેટરી બોડી ઈન્સ્યોરન્સ રેગ્યુલેટરી એન્ડ ડેવલપમેન્ટ ઓથોરિટી ઓફ ઈન્ડિયા (IRDAI) એ લોકોને મોટી રાહત આપી છે. વીમા નિયમનકારી સંસ્થાએ જણાવ્યું હતું કે રિટેલ પોલિસીધારકો વીમા કંપનીને જાણ કરીને પોલિસીની મુદત દરમિયાન કોઈપણ સમયે વીમા પોલિસી રદ કરી શકે છે અને બાકીની પોલિસીની મુદત માટે રિફંડ મેળવી શકે છે. વીમા ક્ષેત્રમાં ઘણા સુધારાની જાહેરાત કરતા IRDAIએ જણાવ્યું હતું કે, “જો વીમાધારક પોલિસી રદ કરે છે, તો તેણે રદ કરવાનું કારણ આપવાની જરૂર નથી.

વીમા નિયમનકાર IRDAIએ જણાવ્યું હતું કે, “જો ગ્રાહક પોલિસી રદ કરે છે, તો વીમા કંપનીએ સમયસીમા સમાપ્ત થયેલ પોલિસી સમયગાળા માટે પ્રમાણસર પ્રીમિયમ પરત કરવું જોઈએ, જો પોલિસીનો સમયગાળો એક વર્ષ સુધીનો હોય અને પોલિસી સમયગાળા દરમિયાન કોઈ દાવો કરવામાં ન આવ્યો હોય.

દસ્તાવેજોના અભાવે દાવો નકારવામાં આવશે નહીં

વધુમાં IRDAIએ જણાવ્યું હતું કે સાધારણ વીમા કંપનીઓ કોઈપણ દસ્તાવેજના અભાવને કારણે દાવાઓને નકારી શકશે નહી. આ સંદર્ભે બહાર પાડવામાં આવેલ માસ્ટર પરિપત્ર, જે સામાન્ય વીમા વ્યવસાયમાં સુધારાનો એક ભાગ છે, જે સરળ અને ગ્રાહક કેન્દ્રિત વીમા ઉકેલો માટે નવા યુગની શરૂઆત કરશે.

વધુ વાંચોઃ નાણામંત્રી નિર્મલા સીતારમણ આ તારીખે રજૂ કરશે પૂર્ણ બજેટ! નોકરિયાત વર્ગને મળશે રાહત?

જનરલ ઈન્સ્યોરન્સ બિઝનેસ પર વ્યાપક માસ્ટર સર્ક્યુલર 13 અન્ય પરિપત્રોને પણ નિરસ્ત કરે છે. પરિપત્રમાં કહેવામાં આવ્યું છે કે દસ્તાવેજોના અભાવે કોઈપણ દાવાને નકારી નહી શકાય. આ મુજબ ગ્રાહકોને ફક્ત તે જ દસ્તાવેજો સબમિટ કરવા માટે કહેવામાં આવી શકે છે જે જરૂરી છે અને ક્લેમ સેટલમેન્ટ સાથે સંબંધિત છે.