તમારા કામનું / હવે આ રીતે પણ થઈ શકશે વેક્સિનનું રજીસ્ટ્રેશન, સરકારે COWIN API માટે જાહેર કર્યા નિર્દેશ

• ભારત સરકારે COWIN માટે નવા નિર્દેશ જાહેર કર્યા 
• સ્લોટ ખાલી છે કે નહીં, તે વિશે પણ જાણકારી મળી શકે
• પબ્લિક એપીઆઈનું પણ સંશોધન કર્યું 

ભારત સરકારે COWIN માટે નવા નિર્દેશ જાહેર કર્યા 
દેશમાં કોરોનાની લહેર વચ્ચે ચાલી રહેલ રસીકરણ પ્રક્રિયા માટે કરાવવા પડતાં રજીસ્ટ્રેશનમાં ઘણો મોટો બદલાવ કરવા જઈ રહી છે. હવે ભારતના દરેક નાગરિક થર્ડ પાર્ટી એપ્સ દ્વારા પણ વેક્સિન માટે રજીસ્ટ્રેશન કરી શકશે. ભારત સરકારે COWIN માટે નવા નિર્દેશ જાહેર કર્યા છે. જેના કારણે થર્ડ પાર્ટી એપ્સની મદદથી રજીસ્ટ્રેશન, શિડ્યુલિંગ અને વેક્સિન મેનેજમેન્ટ થઈ શકે તે માટેની પરવાનગી આપવામાં આવી છે.  

સ્લોટ ખાલી છે કે નહીં, તે વિશે પણ જાણકારી મળી શકે
કેન્દ્ર તરફથી આપવામાં આવેલા નિર્દેશ હાલ વેબસાઇટમાં પણ અપડેટ કરેલ છે, જયાં થર્ડ પાર્ટી એપ્સના ડેવલોપર્સને માત્રને માત્ર સ્લોટ ખાલી છે કે નહીં, તે વિશે પણ જાણકારી મળી શકે છે અને તેના પરથી વેક્સિન લીધાનું પ્રમાણપત્ર પણ ડાઉનલોડ પણ કરી શકાય તેવી સુવિધા પણ કરવામાં આવી છે. કેન્દ્ર તરફથી આ નિર્ણય એવા સમયે લેવામાં આવ્યો કે જ્યારે સમગ્ર દેશમાં કોરોનાની રસીની અછત સર્જાઇ રહી છે અને આ કારણે કોવિન વેબસાઇટ પર કોઈ વાર  સ્લોટ પણ બુક નથી થતાં. હવે આ નિર્ણય બાદ લોકોને થર્ડ પાર્ટી એપ્સ પર આ વેક્સિન સ્લોટ બુક કરવાની અનુમતિ મળી ગઈ છે. 

પબ્લિક એપીઆઈનું પણ સંશોધન કર્યું 
હાલમાં જ સરકારે થર્ડ પાર્ટી એપ્સને અપોઇન્ટમેન્ટ ડેટાને અલગ કરવા માટે કોવિન માટે પબ્લિક એપીઆઈનું સંશોધન કર્યું, જેના કારણે હવે PAYTM અને હેલ્થીફાર્મસી જેવી એપ પર પણ કોરોનાની ઉપલબ્ધતા વિશે માહિતી મળશે. 

કોવિન માટે બનાવેલ માસ્ટર ડેટાબેઝમાં ડેવલોપર તરફથી જ પરિવર્તન થશે. હાલ ભારત સરકારની આરોગ્ય સેતુ અને ઉમંગ માત્ર આ બે જ એપ્લિકેશનમાંથી યુઝર્સ વેક્સિનની અપોઇન્ટમેન્ટ અને સ્લોટ બુક કરી શકતા હતા.પણ હવે થર્ડ પાર્ટી એપ્સ પર પણ આ બધા સાથે સ્લોટની ઉપલબ્ધતા પણ જોઈ શકાશે.