કેન્દ્ર સરકાર દ્વારા ભારતમાં ડ્રાઈવિંગ લાયસન્સ અને ઈમેમોને લગતા નવા નિયમો બનાવવામાં આવ્યા છે. સરકાર હવે એક પોર્ટલ બનાવવા જઈ રહી છે જેમાં તે ઈ મેમો અને વાહનના દસ્તાવેજો પહેલેથી જ સાચવી રાખશે
હવેથી ટ્રાફિક અધિકારીઓને છેતરી નહીં શકાય
વાહનના દસ્તાવેજ અને ઈ મેમોને લગતા નિયમો બદલાઈ ગયા
ઓક્ટોબર મહિનાથી સરકાર એક પોર્ટલમાં રાખશેબધી જ જાણકારી
દેશમાં ઘણા બધા લોકો માને છે કે ટ્રાફિક પોલીસથી નકલી દસ્તાવેજ આપી દેવાથી બચી જવાશે. જોકે આવું ઘણીવાર આવું થાય પણ છે કારણ કે મોટા ભાગની પોલીસ પાસે એવું કોઈ સાધન નથી કે તે તપાસી શકે કે દસ્તવેજ સાચા છે કે ખોટા. જોકે હવે નિયમો બદલાઈ રહ્યા છે. હવે ટ્રાફિકના અધિકારીઓ પાસે દરેક દસ્તાવેજ પહેલેથી જ હશે.
કેન્દ્ર સરકારે મોટર વાહન નિયમ 1989માં સંશોધન કર્યો છે. સરલારે શનિવારે કહ્યું કે એક પોર્ટલના માધ્યમથી એક ઓક્ટોબરથી ડ્રાઈવિંગ લાયસન્સ અને ઈ મેમો સહીતના વાહન સંબંધી દસ્તાવેજો રાખવામાં આવશે. આ સિવાય એક નિવેદનમાં કહેવામાં આવ્યું કે વાહનના દસ્તાવેજો ઈલેક્ટ્રોનિક માધ્યમથી સાચા સાબિત થઇ જાય તો ભૌતિક રીતે તે દસ્તાવેજ સાથે રાખવાની જરૂર નથી.
જાણકારો અનુસાર મીડિયા અહેવાલ પ્રકાશિત કરવામાં આવ્યા છે કે હવેથી અધિકારીઓ પાસે તમારા લાયસન્સને લગતી દરેક જાણકારીઓ ઉપલબ્ધ હશે અને સાથે જ સરકાર જે પોર્ટલ બનાવશે તેમાં બધી જાણકારી રાખવામાં આવશે આટલું જ નહીં સમય સમય પર આ પોર્ટલને અપડેટ પણ કરવામાં આવશે.
સડક પરિવહન અને રાજમાર્ગ મંત્રાલયના નિવેદનમાં કહેવામાં આવ્યું કે મંત્રાલય દ્વારા મોટર વાહન નિયમ 1989ના વિભિન્ન સંશોધન વિશે અધિસૂચના જાહેર કરવામા આવી છે જેમાં વાહનના નિયમોની વધુ સારી દેખરેખ અને પોર્ટલના માધ્યમથી વાહનના વિભિન્ન દસ્તાવેજ અને ઈ-મેમોની જાળવણી કરવામાં આવશે.