ઓયબાપા / હવે આ દિગ્ગજ મોબાઇલ કંપની પોતાનો ધંધો સમેટી લેવાની તૈયારીમાં, એક સમયે ડંકો વાગતો

• મોબાઇલ કંપની સમેટશે તેનો બિઝનેસ
• નુકસાન આવતા બંધ કરી દીધી કંપની
• ભારતમાં એક સમયે જોરદાર હતી માગ

સાંભળવામાં થોડુ અટપટુ લાગે છે પરંતુ આ સત્ય છે. ઇલેક્ટ્રોનિક ઉત્પાદકોની માર્કેટ લીડર LG પોતાનો મોબાઇલ ફોનનો બિઝનેસ બંધ કરી શકે છે. ક્યારેક પૂરી દુનિયામાં પોતાના શાનદાર સ્માર્ટફોન ડંકો વગાડી ચૂકી છે. LGના આ નિર્ણયથી લોકો હેરાન થઇ ગયા છે. 

LG હંમેશા માટે બંધ કરશે મોબાઇલ પ્રોડક્શન
telecomtalkની એક રિપોર્ટ અનુસાર LGએ હાલમાં જ પોતાના રોલેબલ ડિસપ્લેવાળા સ્માર્ટફોનના ડેવલોપમેન્ટ સ્ટેજમાં જ રોકી દેવાનો નિર્ણય કર્યો છે. LG સાથે જોડાયેલા જાણકારોનું કહેવુ છે કે આ પ્રોજેક્ટ વચ્ચેથી જ બંધ કરી દેવામાં આવ્યુ છે. 

મોબાઇલ બિઝનેસમાં નુકસાન
જાણકારોના કહ્યાં અનુસાર ઇલેક્ટ્રોનિક માર્કેટ લીડર LGને અન્ય ઉત્પાદકોમાં શાનદાર નફો મળી રહ્યો છે પરંતુ કોરિયન કંપનીને બિઝનેસમાં નુકસાન થઇ રહ્યું છે. આ જ કારણ છે કે હવે કંપની આ બિઝનેસને હંમેશા માટે બંધ કરી રહી છે. 

આ મામલે જોડાયેલા લોકોનું કહેવુ છે કે LG મોબાઇલ પહેલા કંપનીને બીજી કંપનીને વેચવા માંગતી હતી પરંતુ તે કંપનીને ડીલ સારી ન લાગવાથી હવે LGએ આ બિઝનેસને બંધ કરી દેવાનો જ નિર્ણય કર્યો છે. 

એપ્રિલમાં થઇ શકે છે ઘોષણા
જાણકારોનું કહેવુ છે કે LGના આ નિર્ણયને લઇને કોઇ અધિકારીક પુષ્ટી થઇ નથી પરંતુ એપ્રિલ મહિનામાં કંપની પોતાના કર્મચારીઓને સુચિત કરશે અને પોતાનુ અધિકારીક નિવેદન આપી શકે છે.