મહામારીની ત્રીજી લહેરની વચ્ચે બાળકો વધુ પ્રભાવિત થઈ શકે છે તો તેમનું ખાસ ધ્યાન રાખો. અમેરિાકમાં 17 વર્ષના બાળકમાં આરએસ વાયરસના લક્ષણો જોવા મળ્યા છે.
અમેરિકામાં 17 વર્ષનું બાળક સંક્રમિત
આરએસ વાયરસના લક્ષણો મળ્યા જોવા
ડેલ્ટાની સાથે નવા વાયરસે વધાર્યું ટેન્શન
અમેરિકી સ્વાસ્થ્ય એજન્સી સેન્ટર ફોર ડિસિઝ કંટ્રોલ એન્ડ પ્રીવેન્શને કહ્યું કે જૂનથી આરએસવીના કેસ આવશે પણ ડેલ્ટા વેરિઅન્ટના કારણે તેમાં વધારો જોવા મળી રહ્યો છે. ચિંતાની વાચ એ છે કે આ વાયરસથી શિયાળામાં કેસ વધે છે પણ ડેલ્ટા ગરમીમાં પણ કેસ વધારી રહ્યો છે જેનાથી વિશેષજ્ઞો હેરાન છે.
કોરોનાની જેમ જ ફેલાય છે આ વાયરસ
મુંબઈની કોકિલાબેન હોસ્પિટલના એક વિશેષજ્ઞનું કહેવું છે કે આરએસ પણ કોરોનાની જેમ ખાંસી ખાવાથી કે છીંક ખાવાથી ફેલાય છે. તે આંખ, નાક, મોઢાથી શરીરમાં પ્રવેશે છે. દરવાજાના હેન્ડલથી પણ તમે આ વાયરસની ઝપેટમાં આવી શકો છો. આરએસવી સંક્રમિત બાળકોના ચહેરા પર કિસ કરવાથી પણ સંક્રમિત કરી શકે છે.
1-2 અઠવાડિયામાં દર્દી સાજો થવા લાગે છે
લખનઉની લોહિયા સંસ્થાના બાળરોગ વિશેષજ્ઞનું કહેવું છે કે આ સામાન્ય વાયરસ છે. 2 વર્ષના બાળકો પણ તેની ઝપેટમાં આવી શકે છે. ખાસ કરીને તેમને શરદી અને ખાંસીની ફરિયાદ રહે છે. દવા વિના પણ આ બાળકો 15 દિવસમાં સાજા થઈ જાય છે. કેટલાકને જ એડમિટ કરવા પડે છે.
કોરોના સમયમાં બેદરકારી નહીં
કોરોનાના કેસ વધી રહ્યા છે ત્યારે બાળકોને લઈને સાવધાની ખાસ જરૂરી છે. સ્વાસ્થ્ય સંબંધી કોઈ પણ તકલીફને ઈગ્નોર કરવી નહીં. બાળકોમાં જો શ્વાસ સંબંધી તકલીફ રહેતી હોય તો તરત જ ડોક્ટરનો સંપર્ક કરો તે જરૂરી છે.
શરીરના આ ભાગને કરે છે અસર
આ વાયરસના કારણે ફેફસાની નાની ટ્યૂબમાં સોજો આવે છે. જાણકારોનું કહેવું છે કે 3માંથી 1 બાળકમાં આરએસના કારણે ફેફસાની સૌથી નાની ટ્યૂબ બ્રંક્યોલ્સમાં સોજો જોવા મળે છે. તેનાથી શ્વાસની તકલીફની સાથે તાવ પણ જોવા મળે છે.