વિકાસ / જર્મની અને પોલેન્ડ બાદ હવે ભારતમાં પણ દોડશે આવી ટ્રેન, જાણો મોદી સરકારનો શું છે માસ્ટર પ્લાન

• ભારતમાં હાઈડ્રોઝનથી ચાલશે ટ્રેન
• ગ્રીન ટ્રાન્સપોર્ટ સિસ્ટમના ક્ષેત્રમાં સફળતા 
• રેલવે ટૂંક જ સમયમાં મંગાવશે ટેન્ડર

અત્યાર સુધી હાઈડ્રોજન એન્જિનની ટ્રેન માત્ર જર્મની અને પોલેન્ડમાં ચાલે છે. ત્યારે હવે ટૂંક જ સમયમાં ભારતમાં પણ હાઈડ્રોજનથી ચાલનારી ટ્રેનની શરૂઆત થશે. મળતી માહિતી મુજબ રેલવે ડીઝલ એન્જિનને રેટ્રોફિટિંગ કરીને હાઈડ્રોજન ટેક્નોલોજી પર વિકસિત કરશે. જેના માટે ટૂંક જ સમયમાં ભારતીય રેલવે દ્વારા ટેન્ડર પણ મંગાવાશે. શરૂઆતમાં 2 ડેમૂ રેકને હાઈડ્રોજન એન્જિનમાં બદલશે. 

2030 સુધી ભારતીય રેલવેને કાર્બન ઉત્સર્જનને મુક્ત કરવાનો પ્લાન 

ત્યાર બાદ બે હાઈબ્રિડ નૈરો ગેજ એન્જિનને હાઈડ્રોજન ટેક્નોલોજી સિસ્ટમાં બદલવાની ભારતીય રેલવેની યોજના છે. ભારત પાયલટ પ્રોજેક્ટ તરીકે 10 કોચની ડેમૂ ટ્રેનમાં બેટરી લગાવાશે.. બેટરીની 1600 હોર્સ પાવરની ક્ષમતાની સાથે ટ્રેનને ખેંચાશે. વર્ષ 2030 સુધી ભારતીય રેલવેને કાર્બન ઉત્સર્જનને મુક્ત કરવાનો પ્લાન છે. 

એક વર્ષમાં અઢી કરોડની બચત 

આ પ્રકારના એક એન્જિનથી રેલવે વિભાગને એક વર્ષમાં અઢી કરોડ સુધીની બચત થશે. સાથે જ કાર્બન ન ફેલાતા પ્રદૂષણની સમસ્યા પણ ઓછી થશે.. અધિકારીઓ મુજબ જો ટ્રેક પર ટ્રાયલ સફળ રહેશે તો ડીઝલ એન્જિનને હાઈડ્રોજન એન્જિનમાં બદલાશે. 

21 સપ્ટેમ્બરથી 5 ઓક્ટોબર ટેન્ડર ભરી શકાશે

પાણીમાંથી સોલર એનર્જીથી ઉર્જા ઉત્પન્ન કરાશે. હાઈડ્રોજન ફ્યૂલ સેલ આધારિત ડેમૂ રેક માટે 21 સપ્ટેમ્બરથી 5 ઓક્ટોબર ટેન્ડર ભરી શકાશે. જેના માટે 17 ઓગસ્ટે એક પ્રિ-બિડ કોન્ફરેન્સનું આયોજન કરાશે.