કેન્દ્રીય ગૃહ રાજ્યમંત્રી જી કિશન રેડ્ડીએ લોકસભામાં FCRA બિલ રજૂ કર્યું હતું, જેનો કોંગ્રેસના સાંસદ મનીષ તિવારીએ વિરોધ કર્યો હતો. મનીષ તિવારીએ કહ્યું કે છેલ્લા 6 વર્ષોમાં તેનો ઉપયોગ તે બિન સરકારી સંગઠનોની વિરુદ્ધ કરવામાં આવી રહ્યો છે જે સરકાર સામે અવાજ ઉઠાવી રહ્યા છે.
મોદી સરકારના આ નવા બિલનો વિપક્ષે કર્યો વિરોધ
લોકસભામાં ફરી FCRA બિલ પર થયો હોબાળો
વિદેશી યોગદાન નિયમન (સુધારા) બિલ, 2020 રજૂ થયું
કેન્દ્ર સરકારના કૃષિ બિલ પછી હવે આ બીજા બિલ પર હોબાળો શરૂ થયો છે. સરકારે રવિવારે લોકસભામાં વિદેશી યોગદાન નિયમન (સુધારા) બિલ, 2020 રજૂ કર્યું. આ બિલમાં દરખાસ્ત કરવામાં આવી છે કે કોઈપણ NGO ના હોદ્દેદારોને FCRA લાઇસન્સની નોંધણી માટે આધાર નંબર આપવો ફરજિયાત રહેશે. તેમજ સરકારી કર્મચારીઓને વિદેશથી પૈસા મેળવવાની મનાઈ રહેશે.
ગૃહ મંત્રી અમિત શાહની જગ્યાએ ગૃહ રાજ્ય મંત્રી કિશન રેડ્ડીએ આ બિલ રજૂ કર્યું
ગૃહ પ્રધાન અમિત શાહની જગ્યાએ કેન્દ્રીય ગૃહ રાજ્યમંત્રી કિશન રેડ્ડી દ્વારા આ ખરડો રજૂ કરવામાં આવ્યો હતો, જેનો કોંગ્રેસના સાંસદ મનીષ તિવારીએ વિરોધ કર્યો હતો. મનીષ તિવારી એ કહ્યું કે છેલ્લા 6 વર્ષોમાં તેનો ઉપયોગ તે સરકારી વિરોધી સંસ્થાઓ ( NGO ) વિરુદ્ધ થઈ રહ્યો છે, જેઓ સરકાર વિરુદ્ધ અવાજ ઉઠાવે છે.
કોંગ્રેસે કર્યો બિલનો વિરોધ
મનીષ તિવારી એ કહ્યું કે, 2010-2019 દરમિયાન, 19000 થી વધુ FCRA કેન્સલ કરવામાં આવ્યા હતા, પરંતુ સરકાર કેટલા કેસ અંતિમ નિષ્કર્ષ સુધી પહોંચ્યા તેનો જવાબ આપવામાં નિષ્ફળ ગઈ. કોંગ્રેસ નેતાએ વિદેશી યોગદાન નિયમન (સુધારો) બિલ, 2020 ની કલમો 6 અને 7 સામે વિરોધ દર્શાવ્યો હતો.
તે જ સમયે, તૃણમૂલ કોંગ્રેસ ના સાંસદ સૌગત રોયે કહ્યું કે, પકડને મજબૂત બનાવવાના પ્રયાસો કરવામાં આવી રહ્યા છે. જન સેવકોને મંજૂરી નથી. આધાર ફરજિયાત બનાવવામાં આવ્યા છે. તેમણે કહ્યું કે FCRA માં સુધારો કરવાનો હેતુ ફક્ત આ વ્યવસ્થાને જ નિયંત્રણ રાખવાનો નથી પરંતુ તેને રોકવાનો પણ છે. ફક્ત થોડા લોકો જ આ નિયમોનું પાલન કરી શકશે. ગ્રામીણ આદિજાતિ વિસ્તારોને આનાથી વધુ અસર થશે.