રશિયા પછી હવે ચીને કોરોના વાયરસ રસી વિશે સારા સમાચાર આપ્યા છે. ચીની અખબાર ગ્લોબલ ટાઇમ્સના અહેવાલ મુજબ ફાર્મા કંપની સિનોફાર્મ રસી બનાવી રહી છે. જે સામાન્ય લોકો માટે ડિસેમ્બરના અંત સુધી બજારમાં આવી જશે. આ રસીની કિંમત બે ડોઝ માટે 1000 યુઆન એટલે કે રૂ 10780 કરતા ઓછી નક્કી કરવામાં આવી છે. એવું કહેવામાં આવ્યું છે કે બજારમાં આવ્યા પછી તેની કિંમતમાં વધુ ઘટાડો થશે.
કોરોના રસીના વિકસાવવાના મુદ્દે હવે આવ્યું ચીનનું નિવેદન
ડિસેમ્બરના અંત સુધી બજારમાં આવી શકે છે ચીનની વેક્સિન
ચીની કંપની સિનોફાર્મ બનાવી રહી છે કોરોનાની વેક્સિન
ચીનના નેશનલ ફાર્માસ્યુટિકલ ગ્રુપ સિનોફાર્મના અધ્યક્ષ લિયુ જિંગજેને કહ્યું કે, ત્રીજા તબક્કાની ક્લિનિકલ ટ્રાયલ પૂર્ણ થયા પછી, તેમની કંપની માર્કેટિંગની સમીક્ષા કરશે. લિયુએ કહ્યું કે તેના બે ડોઝની કિંમત 1000 યુઆનથી ઓછી હશે. તેમણે કહ્યું હતું કે આ રસી ચીનના તમામ નાગરિકો પર ફરજિયાત લાદવામાં નહીં આવે.
શહેરી અને ગ્રામીણ વિસ્તારો માટે બનાવાઇ રહી છે બે અલગ અલગ વેક્સિન
લિયુ જીંગજેને જણાવ્યું હતું કે, ''વિદ્યાર્થીઓ અને શહેરોમાં રહેતા લોકોએ આ ઇન્જેક્શન લેવાની જરૂર છે જ્યારે નાની વસ્તીવાળા ગ્રામીણ વિસ્તારોમાં રહેતા લોકોને આ રસી લેવાની જરૂર નથી. બેઇજિંગ અને વુહાનમાં સિનોફર્માની બે જુદી જુદી રસીઓ બનાવવામાં આવી રહી છે. આ રસી જૂન મહિનામાં UAEમાં ત્રીજા તબક્કાની ક્લિનિકલ ટ્રાયલ માટે મોકલવામાં આવી હતી.
નથી કોઈ આડઅસર
લિયુએ પોતે આ બે રસીઓમાંથી એકની બે ડોઝ લીધી છે. લિયુએ કહ્યું હતું કે તેને કોઈ આડઅસર નથી થઈ. બેઇજિંગમાં આ રસીના 120 કરોડ ડોઝ બનાવવાની તૈયારી ચાલી રહી છે. અગાઉ, સિનોફાર્મ કંપનીએ દાવો કર્યો હતો કે તેની રસી એ એન્ટિબોડી સે
ટ્રાયલમાં સારા પરિણામ આપ્યા હતા.
સિનોફાર્મના સંશોધનકારો કહે છે કે પ્રથમ અને બીજા તબક્કાના ટ્રાયલમાં તેની સલામતી અને પ્રતિરક્ષા વધારીને એન્ટિબોડીઝ ઉત્પન્ન કરવાના પુરાવા મળ્યા છે.એક રિપોર્ટ મુજબ હવે તેના રજીસ્ટ્રેશન માટે અદ્યતન કક્ષાએ પરીક્ષણ કરવામાં આવશે.
અગાઉ એક ચીની કંપનીને મળી ચૂકી છે રસી માટેની પેટન્ટ
આ અગાઉ ચીનની કેનસિનો કંપનીને કોરોના રસી Ad5-nCoV માટે પેટન્ટ મળી ચૂક્યું છે. કેનસિનો કોરોના વાયરસ રસી માટે પેટન્ટ પ્રાપ્ત કરનારી પ્રથમ ચીની કંપની બની ગઈ છે. જ્યારે કે હજી ચીનમાં રસી માટે કુલ 5 થી 6 અલગ અલગ પ્રોજેક્ટ્સ પર સંશોધન ચાલી રહ્યું છે. જેમાં ચીની સેનાની ઈન્સ્ટિટ્યૂટસ પણ ભાગ લઈ રહી છે.
ચીની ઓઠીંગણ પાકિસ્તાનમાં પણ થશે માનવ પરીક્ષણ
ચીનના સદાબહાર ઓઠીંગણ દેશ પાકિસ્તાનમાં પણ ચાઇનીઝ રસીની ક્લિનિકલ ટ્રાયલ કરવામાં આવશે. પાકિસ્તાનના રાષ્ટ્રીય આરોગ્ય સંસ્થાઓએ અહેવાલ આપ્યો છે કે તેને ચીનના કેનસિનોબાયો અને બેઇજિંગ ઇન્સ્ટિટ્યૂટ ઓફ બાયોટેકનોલોજી દ્વારા રચિત રસીના ત્રીજા તબક્કાના ક્લિનિકલ ટ્રાયલ માટે મંજૂરી મળી છે. એક નિવેદનમાં NIHએ કહ્યું છે કે પાકિસ્તાનમાં કોઈ પણ રસીનું આ પ્રથમ ત્રીજા તબક્કાના ક્લિનિકલ ટ્રાયલ હશે.
ચીન, રશિયા, ચિલી, આર્જેન્ટિનામાં પણ ચાલી રહ્યા છે પરીક્ષણ
ચીન, રશિયા, ચિલી, આર્જેન્ટિના અને સાઉદી અરેબિયામાં કેનસિનોબાયોની ક્લિનિકલ ટ્રાયલ્સ પહેલાથી ચાલી રહી છે. પાકિસ્તાને જારી કરેલા એક નિવેદનમાં કહેવામાં આવ્યું છે કે આ ક્લિનિકલ ટ્રાયલ NIHના એક્ઝિક્યુટિવ ડિરેક્ટર મેજર જનરલ આમિર ઇકરામની દેખરેખ હેઠળ થશે. પાકિસ્તાનની AJMફાર્માના સીઈઓ અદનાન હુસેને રસીના ક્લિનિકલ ટ્રાયલ સંબંધિત કરાર પર હસ્તાક્ષર કર્યા છે.
રશિયાએ વિકસાવી હતી સૌપ્રથમ કોરોના વેક્સિન
રશિયાએ પણ કોરોના વાયરસની પ્રથમ વેક્સિન સ્પુટનિક વી શરૂ કરી છે. રશિયાનો દાવો છે કે 20 દેશોએ ભારત સહિત આ રસી લેવામાં રસ દાખવ્યો છે. સ્પુટનિક વી એ વિશ્વની પ્રથમ કોરોના વાયરસ માટેની રજીસ્ટર રસી બની છે.
રશિયા આ વર્ષના અંત સુધીમાં રસીના 200 મિલિયન ડોઝનું ઉત્પાદન કરવાની યોજના ધરાવે છે. રસીનું મોટા પાયે ઉત્પાદન સપ્ટેમ્બરમાં શરૂ થવાની સંભાવના છે. આ સાથે, રશિયા ભારત, સાઉદી અરેબિયા, યુએઈ, બ્રાઝિલ અને ફિલિપાઇન્સ સહિતના ઘણા દેશોમાં તેની રસીના ત્રીજા તબક્કાની અજમાયશ કરવા માંગે છે.
જ્યારે ભારતમાં પણ ઓક્સફોર્ડ યુનિવર્સિટીની વેક્સિન, સ્વદેશી ભારત બાયોટેક કંપનીની COVAXIN અને ઝાયડસ કેડિલાની ZyCoV-Dના માનવ પરીક્ષણો ચાલી રહ્યા છે.