કામની ખબર / હવે દીકરીઓનું ભવિષ્ય બનશે વધારે ઉજ્જવળ, સુકન્યા સમૃદ્ધિ યોજનામાં સરકારે કર્યાં 5 ફેરફાર

• સુકન્યા સમૃદ્ધિ યોજનામાં સરકારે કર્યાં 5 મોટા ફેરફાર
• સુકન્યા યોજનામાં હવે એકાઉન્ટ ડિફોલ્ટ નહીં
• ત્રીજી દીકરીના કારણે ટેક્સમાં છૂટ 

 નાની બચત યોજનાની કેટેગરીમાં એક લોકપ્રિય બચત યોજના છે. જો તમારા ઘરમાં 10 વર્ષથી નાની દીકરી હોય તો તમ તેને નામે ખાતુ ખોલાવી શકો છો. કેન્દ્ર સરકારે સુકન્યા સમૃદ્ધિ યોજના સાથે જોડાયેલા 5 મોટા ફેરફાર કર્યા છે. આ ફેરફાર બાદ આ સ્કીમમાં રોકાણને વધુ સરળ બનાવી દેવામાં આવ્યું છે. જે માતાપિતાના ઘરમાં 10 વર્ષથી ઓછી ઉંમરની દીકરી હોય તેમના માટે આ વધુ સારી તક છે. 

સુકન્યા સમૃદ્ધિ યોજનામાં હવે એકાઉન્ટ ડિફોલ્ટ નહીં

સુકન્યા સમૃદ્ધિ યોજનામાં દર વર્ષે ઓછામાં ઓછા 250 રૂપિયા અને વધુમાં વધુ 1.5 લાખ રૂપિયા જમા કરાવવાની જોગવાઈ છે. પહેલા જો મિનિમમ અમાઉન્ટ જમા ન કરવામાં આવે તો એકાઉન્ટ ડિફોલ્ટ થતું હતું. પરંતુ હવે એવું નહીં થાય. હવે જો એકાઉન્ટ ફરીથી એક્ટિવ નહીં થાય તો જ્યાં સુધી મેચ ન થાય ત્યાં સુધી એકાઉન્ટમાં જમા રકમ પર લાગુ દરે વ્યાજ મળતું રહેશે.

ત્રીજી દીકરીના એકાઉન્ટ પર ટેક્સ છૂટ 

અગાઉ આ સ્કીમમાં બે દીકરીઓના હિસાબથી 80C હેઠળ ટેક્સ છૂટનીજોગવાઈ હતી. તે ત્રીજી પુત્રી માટે ફાયદાકારક ન હતું. પરંતુ હવે એક દીકરી પછી બે જુડવા દીકરીઓ હોય તો બંને માટે પણ એકાઉન્ટ ખોલાવવાની જોગવાઈ છે, અને તેમાં ટેક્સમાં છૂટ મળશે.

હવે 18 વર્ષની ઉંમરે છોકરી એકાઉન્ટ ઓપરેટ કરી શકશે 
પહેલાના નિયમ અનુસાર જ્યારે દીકરીની ઉંમર 10 વર્ષની હોય ત્યારે તે પોતાનું એકાઉન્ટ ઓપરેટ કરી શકે છે. પરંતુ હવે દીકરીને 18 વર્ષની ઉંમરે પૂરી થયા બાદ એકાઉન્ટ ઓપરેટ કરવાનો અધિકાર મળશે. તમને ઓપરેશન કરવાનો અધિકાર ત્યારે જ મળશે જ્યારે દીકરી 18 વર્ષની થશે. 

હવે ખાતું બંધ કરવું વધુ સરળ
દીકરીના અવસાન કે સરનામું બદલાઈ જવાના કિસ્સામાં સુકન્યા સમૃદ્ધિ યોજનાનું ખાતું બંધ કરી શકાતું હતું પરંતુ હવે ખાતાધારકોને જીવલેણ રોગ થાય તો પણ ખાતું બંધ થઈ શકે છે. વાલીનું મૃત્યુ થાય તો પણ મેચ્યોરિટી પહેલાં ખાતું બંધ કરી શકાય છે.

સમય પર મળશે વ્યાજ  
ખાતામાં ખોટા વ્યાજ પર વ્યાજની ચુકવણી કરવાની નવા નિયમો હેઠળની જોગવાઈ દૂર કરવામાં આવી છે. આ ઉપરાંત ખાતાનું વાર્ષિક વ્યાજ દરેક નાણાકીય વર્ષના અંતે જમા થશે.

2015માં સુકન્યા સમૃદ્ધિ યોજના શરૂ થઈ હતી 

મોદી સરકારે 'બેટી બચાઓ-બેટી પઢાઓ' અભિયાન હેઠળ 2015માં સુકન્યા સમૃદ્ધિ યોજના શરૂ કરી હતી. સુકન્યા સમૃદ્ધિ યોજનામાં રોકાણ પર વાર્ષિક 7.6 ટકા વ્યાજ મળે છે.

SSY ખાતું ક્યાં ખોલવું?
સુકન્યા સમૃદ્ધિ યોજના હેઠળ અરજદારો પોતાની દીકરીના નામે કોઈપણ બેંક કે પોસ્ટ ઓફિસમાં ખાતું ખોલાવી શકે છે. સુકન્યા સમૃદ્ધિ યોજના હેઠળ, તમે ઓછામાં ઓછી 250 રૂપિયાની રકમ સાથે તમારા બિટિયાના નામે એક ખાતું ખોલાવી શકો છો. જ્યારે આ સ્કીમમાં વાર્ષિક વધુમાં વધુ 1.5 લાખ રૂપિયા જમા કરાવી શકાય છે.

કયા દસ્તાવેજો આપવા જોઈએ?
સુકન્યા સમૃદ્ધિ યોજના હેઠળ ખાતું ખોલાવવા માટે અરજદારે પોતાની દીકરીના જન્મનું પ્રમાણપત્ર પણ ફોર્મ સાથે પોસ્ટ ઓફિસ કે બેંકમાં જમા કરાવવાનું રહેશે. આ ઉપરાંત બાળક અને માતા-પિતાનું ઓળખપત્ર (પાનકાર્ડ, રેશનકાર્ડ, ડ્રાઇવિંગ લાઇસન્સ, પાસપોર્ટ) અને તેઓ જ્યાં રોકાયા છે તે સ્થળ (પાસપોર્ટ, રેશનકાર્ડ, વીજળીનું બિલ, ટેલિફોન બિલ, પાણીનું બિલ) રજૂ કરવાનું રહેશે.