દાવો / ના હોય! હવે શ્વાન વ્યક્તિને સૂંઘીને કહેશે કે કોરોના પોઝીટીવ છે કે નહી 

• હવે શ્વાન સૂંઘીને આપશે રિપોર્ટ 
• પોઝીટીવ કે નેગેટીવ આપશે રિપોર્ટ 
• લંડનમાં કરવામાં આવ્યો દાવો 

લંડન સ્કૂલ ઓફ હાઇજીન એન્ડ ટ્રાપિકલ મેડિસીન અને અન્ય એક યુનિવર્સિટીએ સાથે મળીને એક રિસર્ચ કર્યુ છે જેમાં બહાર આવ્યું છે કે કોરોનાને શ્વાન સુંઘીને શોધી લેશે. 

આ સ્ટડીમાં દરેક પ્રકારનું ધ્યાન રાખવામાં આવ્યુ છે અને શ્વાનઓને માર્ગદર્શન, ગંધ વિશ્લેષણ અને મોડલિંગનો સમાવેશ થાય છે. આ સ્ટડીમાં દાવો કરવામાં આવ્યો છે કે શ્વાન આ બિમારીને 94.3 ટકા સુધી શોધી લેશે. 

ગયા અઠવાડીયે પ્રકાશિત રિપોર્ટ અનુસાર શ્વાન લક્ષણ વગરના વ્યક્તિઓમાં સંક્રમણ શોધવાની સાથે સાથે કોરોના વાયરસના સ્ટ્રેનમાં અંતર કરવામાં પણ સક્ષમ છે. આ સાથે કેટલુ ગંભીર સંક્રમણ છે તે વિશેની જાણકારી પણ આપશે. 

સ્ટડી કરનાર પ્રોફેસરે જણાવ્યું કે, નવા પ્રકારના વાયરસે દેશમાં પ્રવેશના ખતરાને ધ્યાનમાં રાખીને આ પ્રકારનું રિસર્ચ કરવામાં આવ્યુ છે. આ પરિસ્થિતિમાં શ્વાન અગત્યની ભૂમિકા ભજવી શકે છે. તેમણે આગળ કહ્યું કે, આ અધ્યયન કરવાની જરૂર છે કે શ્વાન આ પ્રકારના રિઝલ્ટમાં ફરીથી તે જ વાતને રિપીટ કરી શકે છે કે નહી. 

શ્વાનની મેડિકલ ડિટેક્શન ડોગ્સની ટીમે કોવિડ 19ની ઓળખાણ કરવા માટે તેને ટ્રેનિંગ આપવામાં આવી હતી. આ દરમિયાન શરીરની ગંધનો ઉપયોગ કરવામાં આવ્યો હતો જેને રાષ્ટ્રીય સેવાએ માસ્ક, મોજા અને ટીશર્ટના રૂપમાં મોકલવામાં આવ્યુ હતુ. 

તેમણે જણાવ્યું કે ટીમે આ પ્રક્રિયામાં 3758 નમૂનાને એકત્ર કર્યા અને તપાસ માટે 325 સંક્રમિત અને 675 મુક્ત નમુનાને મોકલ્યા હતા. તેમાંથી શ્વાન સંક્રમિત લોકોને શોધવામાં સફળ રહ્યાં હતા.