હવે રેલવેમાં સામાન્ય માણસને પણ મળશે અનેક સુવિધાઓ પીયૂસ ગોયલે આપ્યો આદેશ 

રેલવેમાં મળતી સવલતોમાં દિવસેને દિવસે વધારો કરાઈ રહ્યો છે. મોદી સરકાર આવ્યા બાદ આ સવલતોમાં દિવસેને દિવસે વધારો થઈ રહ્યા છે. એક જમાનામાં રેલવેના મુસાફરીનું નામ પડે ત્યારે મોટાભાગના લોકો સગવડ સારી મળશે કે કેમ તેવા સવાલ થતાં હતા. ત્યારે આ આધુનિક યુગમાં સરકાર રોજબરોજ નવા નવા પ્રયાસ કરીને રેલવેને અન્ય દેશની જેમ વધારે સુવિધાઓથી સુસજ્જ કરવાના પ્રયાસ કરી રહી છે.

રેલવેના ઉચ્ચ અધિકારીઓને રેલવેમાં અનેક સુવિધાઓ મળતી હોય છે. આ સુવિધાઓ હવે સામાન્ય માણસને મળે તેવો રેલવે મંત્રાલય તરફથી પ્રયાસ કર્યો છે. રેલવે મંત્રી પીયૂસ ગોયલે IRCTCને આદેશ આપ્યો છે કે રેલવેના અધિકારીઓને મળતી સેવાઓ સામાન્ય પ્રજા માટે કોમર્શિયલ કરવામાં આવે.

એટલે સરકાર પ્રજાને સુવિધા આપશે પણ તેના સામે રૂપિયા લેશે. IRCTCએ રેલવેમાં સલૂનની સેવા સૌથી પહેલા દિલ્લી રેલવે સ્ટેશન પર શરૂ કરી હતી. જોકે રેલવેના અધિકારીઓ માટે અંગ્રેજોના જમાનાથી ખાસ સુવિધા મળે તેવા કોચ બનાવાયા હતા.

જેમાં ડ્રોઈંગ ડાઈનિંગ રસોડુ અને બે બેડરૂમની VIP સગવડો આપવામાં આવતી હતી. આ ડબ્બામાં ખાસ સલૂનની વ્યવસ્થા પણ મળતી હતી. આ ઉપરાંત કોચમાં સારા બાથરૂમની પણ વ્યવસ્થા મળતી હતી. અંદરથી જોઈએ તો આ કોઈ ફાઈવસ્ટાર હોટલનો નજારો જોતા હોય તેમ લાગતું હતું.

અત્યાર સુધી આ સગવડો માત્ર રેલવેના ઉચ્ચ અધિકારીઓને મળતી હતા. પરંતુ હવે તમામ વસ્તુઓને કોમર્શિયલ કરવામાં આવશે. જેને દેશની સામાન્ય પ્રજા લાભ લઈ શકશે જો કે તેના સામે લોકોએ પૈસા ચુકવવા પડશે. માર્ચમાં IRCTCએ ભારતનો પહેલો એર કંડિશનર સલૂન ખોલ્યો હતો. શરૂઆતના દિવસોમાં આ માત્ર રેલવે અધિકારીઓ માટે જ હતું. કુલ 62 કોચ આ પ્રકારના બનાવવામાં આવ્યા હતા. આ તમામ કોચ હવે તમામ લોકો નાણા ચુકવીને વાપરી શકશે.

1 ક્લિક પર જોડાવો VTV ના સોશિયલ એકાઉન્ટ્સ સાથે...