આયુષ્માન ખુરાનાની ફિલ્મ શુભ મંગલ જ્યાદા સાવધાન પછી સ્વરા ભાસ્કર પણ સમલૈંગિક સંબંધોને લઇને એક ભાવનાત્મક ફિલ્મ લઇને આવી રહી છે. આ ફિલ્મનું નામ છે શીર કોરમા જેમાં સ્વરા ભાસ્કર સાથે દિવ્યા દત્તા પણ છે. આ ફિલ્મનું ટ્રેલર રીલિઝ થઈ ગયું છે. ફિલ્મની થીમ સમલૈંગિકતા પર આધારિત છે.
શીરા કોરમાનુ ટ્રેલર રીલીઝ થયું
સ્વરા ભાસ્કર આ ફિલ્મમાં મુખ્ય પાત્રમાં જોવા મળશે
ફિલ્મમાં બે સ્ત્રીના સમલૈંગિક સબંધો દર્શાવવામાં આવ્યા છે
સ્વરા ભાસ્કર અને દિવ્યા દત્તાની સમલૈંગિકતા આધારિત ફિલ્મ શીરા કોરમાનું ટ્રેલર આવી ગયું છે, અને આ ફિલ્મમાં બે સ્ત્રીના સમલૈંગિક સબંધો દર્શાવવામાં આવ્યા છે.
આ વાર્તા બે મુસ્લિમ છોકરીઓની છે. એક પાકિસ્તાની અને એક ભારતીય છોકરી છે. જે 10 વર્ષથી એકબીજા સાથે સંબંધોમાં જોડાયેલી છે. જો કે દિવ્યાની મા તેમના આ સંબંધોથી વિરુદ્ધ છે. દિવ્યાની માના રોલમાં શબાના આઝમી મહત્વની ભૂમિકામાં જોવા મળશે. શબાના ટ્રેલર જોયા અનુસાર આ સંબંધોને પાપ માને છે.
સ્વરા આ ફિલ્મમાં સિતારાનો રોલ ભજવી રહી છે. અને દિવ્યા સાયરાના રોલમાં જોવા મળી રહી છે. આ ફિલ્મમાં સમલૈંગિક સંબંધો અને તેમના પ્રેમને સમજાવવાનો પ્રયાસ કરવામાં આવ્યો છે.
આ બંને પાત્ર જેને સમાજ સ્વીકારવા તૈયાર નથી. આ ફિલ્મને આરિફ અંસારીએ ડાયરેક્ટ કરી છે. અને મરીજકે ડિસૂઝાએ તેની પ્રોડ્યૂસર છે. જો કે ફિલ્મની રિલિઝ ડેટ હજી સુધી કોઈ જાહેરાત કરવામાં નથી આવી.
સ્વરા ભાસ્કર 2018માં છેલ્લે 'વીરી દે વેડિંગ'માં જોવા મળી હતી. આ ફિલ્મ બોક્સ ઓફિસ પર સફળ રહી હતી. જો કે આ ફિલ્મમાં સ્વરા અને દિવ્યા સમલૈંગિક કપલ અને તેમના પ્રેમ અને સમાજ તરફથી થતી તેમને સમસ્યાઓને બતાવવાનો પ્રયાસ કર્યો છે.
આ પહેલા પણ સમલૈંગિકતા પર ઘણી ફિલ્મો બની છે અને હવે લોકો પણ આ વાતને સહજતાથી સ્વીકારતા થઈ ગયા છે. ફિલ્મોમાં છેલ્લા 20 વર્ષમાં ઘણાં બદલાવો આવ્યા છે અને લોકો સમયની સાથે બદલાતા જાય છે.