નિર્ણય / રાજ્ય સરકારે તબીબોને આપી વધુ એક ભેટ, હવે બોન્ડેડ ડોક્ટરોને મળશે આ મોટો લાભ

• આરોગ્ય વિભાગના બોન્ડેડ ડોક્ટરો આનંદો
• વર્ગ-2 ડોક્ટરોના માસિક પગારમાં 3000નો વધારો
• 1851 બોન્ડેડ ડોક્ટરોને પગાર વધારાનો લાભ મળશે

સરકારે રાજ્યના કરાર આધારિત મેડિકલ ઓફિસર્સને લઈને મોટી જાહેરાત કરી છે. ઇન-સર્વિસ ડોક્ટરો-GMERSના અધ્યાપકો બાદ હવે રાજ્ય સરકાર તબિબોને વધુ એક ભેટ આપી છે, આરોગ્યમંત્રી નીતિન પટેલે જાહેરાત કરતા કહ્યું કે, કરાર આધારિત વર્ગ-2ના બોન્ડેડ ડોક્ટરોના પગારમાં વધારો કરવામાં આવ્યો છે. 

આરોગ્ય વિભાગના બોન્ડેડ ડોક્ટરો આનંદો

રાજ્યના નાયબ મુખ્યમંત્રી નીતિન પટેલે સોશિયલ મીડિયાના માધ્યમથી થકી જણાવ્યું  છે કે, રાજ્યના કરાર આધારિત નિમણુંક પામેલા 1851 જેટલા વર્ગ-2ના મેડિકલ ઓફિસર ડોક્ટર્સના માસિક પગારમાં રૂ.3000 નો વધારો કરવામાં આવ્યો છે. જેથી હવે ડોરક્ટોરોને માસિક 63 હજાર પગાર મળશે, પગાર વધારો કરવામાં આવતા સરકારની તિજોરી પર વાર્ષિક 55.53 લાખ રૂપિયાનો વધારાનો બોજો પડશે

વર્ગ-2 ડોક્ટરોના માસિક પગારમાં 3000નો વધારો

રાજ્યના નાયબ મુખ્યમંત્રી નીતિન પટેલે ગઈકાલે રક્ષાબંધન પર જાહેરાત કરી હતી કે, ગુજરાત સરકારની હોસ્પિટલોમાં ફરજ બજાવતા ઈન સર્વિસ ડોક્ટરો તથા જી.એમ.ઈ.આર.એસની મેડિકલ કોલેજોમાં અધ્યાપકો તરીકે ફરજ બજાવતા પાત્રતા ધરાવતા તમામ ડોક્ટરો અને અધ્યાપકોને સાતમા પગાર પંચ મુબજનું નોન પ્રેક્ટિસિંગ અલાઉન્સ આપવાની મંજૂરી અપાઈ છે. ત્યારે હવે કરાર આધારિત બોન્ડેડ ડોક્ટરોના વેતનમાં વધારો કરાતા તબીબોમા ખુશી જોવા મળી રહી છે.