Good News! / કૉલ ડ્રોપ થવા પર મળશે પૈસા! મોદી સરકારના મંત્રીએ સંસદમાં કર્યું મોટું એલાન

• આજકાલ દરેક વ્યક્તિ કોલ ડ્રોપનો અનુભવ કરે છે
• ટેલિકોમ કંપની કોલ ડ્રોપ સમસ્યાથી પરેશાન
• દરેક કોલ ડ્રોપ પર મળશે 1 રૂપિયો

આજના સમયમાં લગભગ દરેક વ્યક્તિ ફોનનો ઉપયોગ કરે છે અને સ્માર્ટફોન યુઝર હોવાના કારણે ક્યારેકને ક્યારેક કોલ ડ્રોપની સમસ્યાનો સામનો કરવો પડ્યો હશે કે વાત કરતી વખતે તેમનો કોલ અચાનક કટ થઇ ગયો હશે. જો તમે પણ કોલ ડ્રોપની સમસ્યાનો સામનો રહ્યા છો અને પરેશાન છો, તો તમને જણાવી દઈએ કે સંચાર મંત્રી તરફથી એક મહત્વનું નિવેદન આવ્યું છે, જે અંતર્ગત ટેલિકોમ ઓપરેટર્સ કોલ ડ્રોપની સ્થિતિમાં પોતાના ગ્રાહકોને પૈસા આપશે. આવો જાણીએ કોલ ડ્રોપ પર તમને કેટલા રૂપિયા મળશે અને આ નવા નિર્ણયનો અમલ કેવી રીતે થશે.

કોલ ડ્રોપ પર થવા પર મળશે પૈસા 
ટેલિકોમ્યુનિકેશન મંત્રી શ્રી અશ્વિની વૈષ્ણવે તાજેતરમાં જ એક નિવેદન આપ્યું છે કે TRAI હવે ટેલિકોમ ઓપરેટર્સના કોલ ડ્રોપ્સ પર ગ્રાહકોને પૈસા આપશે અને આ નિર્ણય લઇ લેવામાં આવ્યો છે. વપરાશકર્તાઓને દિવસમાં ડ્રોપ થયેલા દરેક કોલ માટે એક રૂપિયો આપવામાં આવશે. આ નિર્ણયનો અમલ કરતી વખતે કેટલીક શરતો પણ નક્કી કરવામાં આવી છે, જે અમે તમને આગળ જણાવીશું.

આ શરતોનું પાલન કરવું આવશ્યક
તમને જણાવી દઈએ કે દરેક કોલ ડ્રોપ માટે એક રૂપિયો આપવામાં આવી રહ્યો છે, પરંતુ કેટલીક શરતો અને નિયમો પણ છે જે હેઠળ આ નિર્ણય લાગુ કરવામાં આવશે. ટ્રાઈનું કહેવું છે કે ગ્રાહકના ખાતામાં દરેક કોલ માટે એક રૂપિયો દિવસના ત્રણ કોલ ડ્રોપ માટે જ આપવામાં આવશે, એટલે કે એક દિવસમાં તમને વધુમાં વધુ ત્રણ કોલ ડ્રોપના પૈસા મળશે. ટેલિકોમ ઓપરેટરે એસએમએસ/યુએસએસડી મેસજ દ્વારા ગ્રાહકને જણાવવું પડશે કે કોલ ડ્રોપ્સ માટે તેમના ખાતામાં કેટલા રૂપિયા આપવામાં આવ્યા છે. પ્રીપેડ યૂઝર્સ માટે આ પ્રક્રિયા અપનાવવામાં આવશે અને જો પોસ્ટપેડ ગ્રાહકો માટે કોલ ડ્રોપ થશે તો તેમના પૈસા તે મહિના માટે તેમના બિલમાં એડ કરવામાં આવશે.