તમારા કામનું / PNG ગેસ કનેક્શનમાં ડિપોઝિટને લઈને થવાના છે આ ફેરફાર, જાણી લેજો નહીંતર થશો હેરાન

• પીએનજી ગેસ કનેક્શનવાળા માટે કામના સમાચાર
• કનેક્શન માટે રિફંડેબલ ડિપોઝિટ સ્ટ્રક્ચરમાં થઈ શકે છે ફેરફાર
• હવે ગ્રાહકોને ચૂકવવી પડી શકે છે વધુ ડિપોઝિટ

આ સાથે જ જે લોકો સ્માર્ટ મીટર, પ્રી-પેડ કાર્ડ અથવા અન્ય સુવિધાઓ લેવા માંગતા નથી, તેમના માટે પણ 5000 રૂપિયા રિફંડેબલ અમાઉન્ટનો વિકલ્પ હશે. હકીકતમાં, નવા ફેરફાર દ્વારા કંપનીઓને અધિકાર આપવામાં આવી રહ્યો છે કે તેઓ કોસ્ટ વધવા પર તે રકમ ગ્રાહકો પાસેથી વસૂલે. નવા વિકલ્પ પર 27 જુલાઇ સુધી તમામ પક્ષોના મંતવ્ય માંગવામાં આવ્યા છે.

આ રીતે કરો અરજી

પીએનજી કનેક્શન માટે અરજી કરવા માટે ગ્રીન ગેસ લિમિટેડ (www.gglonline.net)ની વેબસાઇટ પર જવું પડશે. ત્યાં નામ, સરનામું, ફોન નંબર, ઇમેલ આઈડી વગેરે જેવી કેટલીક માહિતી ભરવાની રહેશે. આ સિવાય ઓળખકાર્ડ અને હાઉસિંગ સર્ટિફિકેટની સ્કેન કોપી એટલે કે વીજળીનું બિલ અથવા હાઉસ ટેક્સ રસીદ અપલોડ કરવાની રહેશે. તપાસ કર્યા પછી અરજદારના મોબાઇલ અને ઇમેલ આઈડી પર ચુકવણીની એક લિંક શેર કરવામાં આવશે.

પીએનજી માટે ઓનલાઈન ચૂકવણીની સુવિધા

પીએનજી બિલ પણ હવે ઓનલાઇન ભરી શકાશે. આ માટે ગ્રીન ગેસે ભારત બિલ પેમેન્ટ સિસ્ટમ સાથે જોડાણ કર્યું છે. હવે ઈન્ટરનેટ બેકિંગ, પેમેન્ટ વોલેટ કે પછી યૂપીઆઈ એપ જેવી કે પેટીએમ, ફોનપે, ગૂગલ પેથી ચૂકવણી કરી શકાય છે. સાથે જ કંપનીની વેબસાઈટ પર જઈને ગ્રાહક તેના પાછલા ગેસ બિલની કોપી ડાઉનલોડ કરી શકે છે.