હવે પુષ્પા ફિલ્મના શ્રીવલ્લી ગીતનું ઇંગ્લિશ વર્ઝન પણ સોશિયલ મીડિયા પર ધૂમ મચાવી રહ્યું છે, જે સાંભળીને તમે પણ આ ગીતના દિવાના બની જશો.
સોશિયલ મીડિયા પર વાયરલ શ્રીવલ્લીનું ઇંગ્લિશ વર્ઝન
કમ્પોઝર Devisri Prasadએ પણ કર્યું શેર
કોરિયન મહિલાએ પણ કર્યો ડાંસ
પુષ્પા ફિલ્મના શ્રીવલ્લી ગીતે માત્ર ભારતીયોને જ નહિ, પરંતુ વિદેશીઓને પણ પોતાના રંગમાં રંગ્યા છે. અલ્લુ અર્જુનની ફિલ્મ 'પુષ્પા: ધ રાઈઝ' એ રિલીઝ થયાની સાથે જ ધમાલ મચાવી છે.
પુષ્પાએ ઘણા ક્રિકેટરો તથા બોલિવુડ કલાકારોના હૃદયમાં પણ ખાસ સ્થાન બનાવ્યું છે. તેમાં પણ પુષ્પાનું મશહૂર ગીત શ્રીવલ્લી ભારતની ઘણી ભાષાઓમાં રિલીઝ થયું છે. આ દિવસો શ્રીવલ્લીનું ઇંગ્લિશ વર્ઝન પણ સોશિયલ મીડિયા પર ધૂમ મચાવી રહ્યું છે. કમ્પોઝર Devisri Prasadએ આ શાનદાર વીડીયોને પોતાના સોશિયલ મીડિયા હેન્ડલ પર શેર કર્યો છે. શ્રીવલ્લીનું આ ઇંગ્લિશ વર્ઝન Emma Heesters દ્વારા ગવાયું છે.
Loved this🎶❤️🎶
Hey @sidsriram bro,I told U when we recorded,lets do an English version 4 Fun,but here’s a lovely cover by @emmaheesters 😎🎶😍
Emma Heestersએ હાલમાં જ યૂટ્યુબ પર આ વીડિયો રિલીઝ કર્યો હતો, જે ટૂંકસમયમાં જ મશહૂર બની ગયો. Emma આ ગીતને ભારતીય ટ્યુન્સમાં ઇંગ્લિશ બોલને સુંદરતાથી ઢાળવા બદ્દલ વખાણાઇ છે.
Emma Heesters દ્વારા ગવાયેલ શ્રીવલ્લીના આ ઇંગ્લિશ વર્ઝને માત્ર ભારતીયોનું જ નહિ પરંતુ વિદેશીઓનું દિલ પણ જીતી લીધું છે. Emma એક ડચ વોકલિસ્ટ છે, જેમણે પોતે જ શ્રીવલ્લીનું ઇંગ્લિશ વર્ઝન લખ્યું છે. સોશિયલ મીડિયા પર લોકોએ તેના પર વખાણનો વરસાદ કર્યો છે. તેણે શ્રીવલ્લીને માત્ર ઇંગ્લિશ ટચ જ નથી આપ્યો પરંતુ તેલુગુ ઢાળમાં સુંદર રીતે ગીતને કમ્પોઝ કર્યું છે. ઘણા લોકો તો તેને 'ઉ અંટવા' ગીત પણ કમ્પોઝ કરવા કહી રહ્યા છે, જે પણ ખૂબ જ મશહૂર છે. શ્રીવલ્લી પહેલા Emmaએ બીજલી બીજલી, રાતા લામ્બીયાન તથા રાંજા જેવા ગીતો પર પણ પોતાનો હાથ અજમાવી ચુકી છે.
કોરિયન મહિલાએ પણ કર્યો ડાંસ
આ પહેલા આ ગીત પર એક કોરિયન મહિલાએ પણ અદભૂત ડાંસ કર્યો હતો, જે વીડિયો પણ સોશિયલ મીડિયા પર ધૂમ મચાવી રહ્યો હતો.